Matthew 5:48 - Patamuna New Testament Revised

⁴⁸ Màlàpàk wakù peichi ettàk kon, àkàipùnù kon epùn yau nai'nùk wechi wakù pe kasa.” teppù Jesus uya tok pàk.

Matthew 5:48 ပူးပေါင်းရင်းမြစ်များ

Matthew 5:16

Màlà kasa làmaichi tàwà eweyu kon nùlenpamùi kappon yamùk yemloto po, wakù ton ànkupù kon yentoppe tok uya molopai àkàipùnù kon epùn pon yapulàtoppe tok uya,” tukaik.

Matthew 5:45

Sàlà kussak auya'nokon yau, àkàipùnù kon epùn pon munkà pe ewena kon màlà. Masapùla tùponalok wei ku'nài mùkkàlà iilenpantoppe, àli ton molopai wakù ton weyu pe ekkaichalà, molopai konok yeuno'nài wakù ku'nài nan ponaloppe molopai àli ku'nài nan ponaloppe.

Matthew 5:47

Molopai ewechi yakon non pàk neken wakù pe na'messan te auya'nokon yau, tùkussen pen kussak na' auya'nokon màlà? Ailon Katù ittunnan pen là nen mùkyamlo iku'nàinan màlà kasa!

Luke 6:36

Tùusentuppaik ettàk kon, Katù Àkàipùnù kon wechi tùusentuppaik kasa làma,” teppù Jesus uya.

Luke 6:40

Tenupasen mùkkàlà tenupanài yentaino pen. Tùse tamù'nawolon yenupasak kon wechi màlà tenupanàippù kasa.

2 Corinthians 13:11

Iwenukapù pe Utonpa yamùk, eichilà man! Apawanattàtok kon uya yetatàk kon, tamù'nawàlà wakù pe nai'nùk winàkàik itàtàk kon, tewin ichenumenkatok ettàk, echitonpa pe emattàk kon. Molopai Katù pùnùnmantok molopai echitonpa pe we'nàtok yesak wechi apyau'nokon màlà.

2 Corinthians 13:9

Ina nùtauchinpayan atu'mùla ina wechi tùse meluntà pe ewechi kon pàk. Molopai ina wàpùlematok wechi màlà wakù pe tamù'nawàlà ewenatok kon pe iku'nài pe.

2 Corinthians 7:1

Sàlà yamùk Katù uya ikupù tùuya tetok wechi màlà kùponalok kon pe, utonpa yamùk! Màlàpàk uchi esuken wenanpai'nokon makui pùla, tamù'nawolon yà'làlà àli pe nai'nùk kupù yeleutanùpù winà, molopai yà'làlà kùyesak kon wapùla kùyakkwalù kon ku'nài àli pe nonkapai'nokon. Màlàpàk uchi tamù'nawàlà wettùn nokon sàlà Katù yemyak masapùla inama pàk.

Ephesians 3:1

Sàlà kasa iwechi pàk Iulà Paul, wechi nai'nùk yachisak pe, amyamlo Jew yamùk pen pàkànsau.

Colossians 1:28

Màlàpàk Christ yekamannan ina tamù'nawolon kon kappon yamùk pàk. Tamù'nawolon kon yekamaponnan ina molopai tok yenupannan, tamù'nawolon pukkek ke, tamù'nawolon kon nettoppe Katù yemloto pona wakù pe tamùnawàlà ipùkkù pe neken pùla Christ kasa kulu nen uchi.

Colossians 4:12

“Wakù pe na' messatàu?” nùkayan Epaphras àtonpa kon nàlà, molopai Jesus Christ yapyoto. Tùwàpùlemasen mùkkàlà tàwàlà eke pe àpona'nokon. Katù yekamapponài meluntà pe ewena kon pa tamù'nawàlà Katù yeselu yau tùwappùik molopai ittunài pe.

James 1:4

Tamù'nawolon tùpàlikaik ettàk, meluntà pe ewena kon pa, appù pe, ikasa tamù'nawàlà.

1 John 3:3

Tamù'nawolon kon sàlà màmu'nàinan Christ yau tùwekkussan esuken, Christ wechi esuken kasa.