Matthew 5:29 - Patamuna New Testament Revised

²⁹ Màlàpàk kamik pen winon eyenu uya àkupù kon àli kupù kon pa yau, imokkatàk molopai yenu'matàk! Wakù peiwa iwechi màlà eyesak kon pùkkù yenu'ma auya'nokon, tamù'nawàlà eyesak kon yenu'ma apok patassek yak yentai lùiwa.

Matthew 5:29 ပူးပေါင်းရင်းမြစ်များ

Matthew 10:28

Kesenalippatàu mùkyamlo esak wànnan tùse akkwalù wànnan pen pàk. Tùse làkku esenalippatàk kon, Mùkkàlà asakklàma esak molopai akkwalù mattanù'nài apok yau pàk.

Matthew 11:6

Tùutauchinpasen mùkkàlà kappon kasei tetok ya upàk pùn,” teppù Jesus uya.

Matthew 16:26

Yà'làlà ken na' yepolo kappon uya tamù'nawolon wolù yawon kon yà'làlà yanùmù tùuya tùponaloppe yau, tùse takkwalù lachima tùuya yau? Yà'làlà pùla iwechi màlà kappon nùtùlù takkwalù mùnappotoppe tùuya.

Matthew 17:27

Tùse pùsamlo kappon yamùk we'naikatoppe ikupù iche pùla we'nà'nokon man. Màlàpàk tuna kak itàkà molopai konoik menu'maik tuna kak. Wapiya anmappù mùpàlàkaik, molopai intau pùlayatta pun yepolo auya màlà, Katù yùwùk ponaloppe pùlayatta ye'matok untùlù molopai àntùlù kaichalon. Malàik molopai tok me'maik,” teppù ya.

Matthew 19:12

Tùulon kon mùkyamlo tùwemali'masan pen. Masapùla màlà kasa tùwentusak kon pàk, tùulon kon molonkonnà tùwemali'masan pen kappon yamùk uya tùkussak kon màlà kasa pàk, molopai tùulon kon tùwemali'masan pen itepulu pe we'nàtok epùn po pàkànsau. Ànù'là sàlà yanùnnài uya yanùmù màlà,” teppù Jesus uya.

Matthew 23:15

“Àsà pe kulu iwechi màlà àpona'nokon Law pàk enupannan molopai Pharisee yamùk! Tùusennakasan amyamlo! Tuna po tùutàsan amyamlo molopai tamù'nawolon pata yawà, tewin kappon lattàse ewinàkài'nokon. Molopai ilattàsak auya'nokon yau asakitekkwa apok patasek yak tùutàsen yeppe ikussak auya'nokon màlà, akasa'nokon.

Matthew 23:33

Àkài yamùk, molopai àkài yamùk munkà! Yà'là kasa ken uchi ewepe kon apok patassek yak àutà kon winàpai pe mùttuyatàu?

Matthew 5:22

“Tùse sàlà pe tekamayaik àpàkù'nokon, ànù'là iwe'naikasak tùtonpa pàk nepù màlà talumattànài yemloto pona. Ànù'là tùtonpa yesa'nài ‘wakù pen àmàlà!’ tukaik nepù màlà Jew yamùk yepulu ton yemloto pona. Molopai ànù'là tùtonpa yesa'nài pakko tukaik wechi màlà tùutàsen yeppe apok patassek yak.

Matthew 5:30

Kamik pen eyemyatù kon uya àkupù kon àli kupù kon pa yau, yattàtàk molopai yenu'matàk! Wakù peiwa iwechi màlà eyesak kon pùkkù yenu'ma auya'nokon, tamù'nawàlà eyesak kon yenu'ma tùusà'nùnsen pen apok patassek yak yentai lùiwa,” teppù Jesus uya.

Mark 8:36

Yà'là ken yepolo kappon uya tamù'nawà wolù yawon kon yeposak tuùya tùse tùwemattok yenu'masak tùuya yau? Ippla!

Luke 12:5

Usenalipantok ipàk yekama uya sàlà àpàkù'nokon. Katù pàk esenalippatàk kon, wàn tùpo apok yak enu'mantok tùuya yapàikketù yesak pàk. Ewaik, tekamayaik àpàkù'nokon, ipàk esenalippatàk kon!

Romans 6:6

Masapùla sàlà ittu'nokon man, penalok àli ton kùyeselu kon tùlùppù inmattatoppe Christ pokonpe pulusuk po, àli eselu wannà meluntàlùkkatoppe, makui yapyoto pe we'nà'nokon tukaik.

Romans 8:13

Masapùla ewemapù kon eyeselu kon maimu yawàlà yau, ewelikù kon màlà, tùse Wakù Akkwalù yapàikketù winà. Àli eyeselu kon yeleutanùssak auya'nokon yau, ewemapù kon màlà.

1 Corinthians 9:27

Uyo'no uyesak ànkuppaino Iulà molopai uyapyoto pe iwettoppe, tùulon kon pàk Itekale yekama tùpo inulunpasappe wechi uyepeppù winàpai tukaik.

Galatians 5:24

Molopai mùkyamlo Christ Jesus ponalok kon uya tamù'nawolon àli ànkuppai tùwettok kon pukapàssak màlà pulusuk pona iteselu yamùk pokonpe.

Colossians 3:5

Màlà yamùk àli ànkuppai we'nàtok ne'wotokomayai'nùk ayau'nokon inonkatàk kon. Àli imakuyippù kuttok esak ke, esuken pùla we'nàtok, ipàlika yentai àli ànkupai we'nàtok màlàwannà ke, tùuseka'nonkaik we'nàtok inonkatàk. (Masapùla tùuseka'nonkaik we'nàtok màlà tùulon katù yemlotopo wepeiman walai).