Matthew 28:19 - Patamuna New Testament Revised

¹⁹ Itàtàk kon uchi tamù'nawolon kon kappon yamùk piyak, i'nailàlà. Molopai uya'lon kon pe tok mùkonekatàik, tok menpataukatàik Ukàipùnù yesek yau molopai Imu yesek yau molopai Wakù Akkwalù yesek yau.

Matthew 28:19 ပူးပေါင်းရင်းမြစ်များ

Matthew 13:52

Màlàpàk yeikuppù ya, “Sàlà uyaichi yekamasak màlà, tamù'nawolon kon Law pàk enupannan itepulu pe we'nàtok epùn po pàk wechi màlà tapùi yesak emennak ton molopai penalok kon mamin yamùk yenpakkayai'nùk ipilittok tùuya tapai tak kasa,” tukaik.

Matthew 25:32

Molopai tamù'nawàlà pata yamùk yawolon kon non pon kon wepilipù màlà itemlotopo. Màlàyau nen uchi tok pantaka ya màlà asa'là, kalinilu yesak uya kalinilu yamùk pantaka kapala yamùk winàpai kasa.

Yeunossak kon Wotokoyi 1:2

Epùn pona tùwenuttok weyu ponalà. Tùwenuku wapiya tùneunoko pe tùnanùmùssan nùssan yelupappù ya tok nùkupù woton pàk Wakù Akkwalù meluntàlù yai.

Yeunossak kon Wotokoyi 1:8

“Tùse meluntà yepolo auya'nokon màlà Wakù Akkwalù uyàssak àpona'nokon yau, molopai uyekaman nan pe ewechi kon màlà Jerusalem po, tamù'nawàlà Judea yawàlà molopai Samaria polo, molopai mailàlà sàlà non wenukattok yawàlà,” teppù Jesus uya tok pàk.

Yeunossak kon Wotokoyi 14:21

Paul molopai Barnabas uya Wakù Itekale yekamappù Derbe po, tukkan kon wenappù Jesus ya'lon kon pe. Molopai yeunossak kon wennapoppù Lystra pona, Iconium pona molopai Antioch Pisidia pon pona.

Yeunossak kon Wotokoyi 2:41

Tukkan kon uya ailon teppù Peter uya itekale yekama pàk. Molopai tok usenpataukappù, 3,000 yailà'ne kappon yamùk uya ailon tawonnan tonpattàppù, màlà wei yattai.

Yeunossak kon Wotokoyi 28:28

“Ittuichi auya'nokon màlà Katù uya pùikattàntok yekale yeunossak Jew yamùk pen piyak. Tok uya yeta màlà!” tukaik.

Yeunossak kon Wotokoyi 9:18

Màlà yattai molok pippà walainon wessolokappù Saul yenu yamùk yapai molopai yennài pe tu'ma iwenappù màlà. Iwe'wuluukappù molopai Ananias uya yenpataukappù,

Romans 10:18

Tùse tekamappoyaik, ailon ken na' màlà tok uya itekale yetappù pùla iwechi? Ewaik, tok uya yetappù. Katù Maimu uya “Tok maimu utàppù màlà tamù'nawàlà wolù yawàlà, tok maimu utàppù tamù'nawàlà non pon kon piyak,”te kasa {Psa 19.4}

1 Corinthians 15:29

Màlàpàk yà'là pe ken mùkyamlo kappon yamùk wechi ichenpataukasak kon iwelichak kon ponaloppe? Iwelichak kon wuluukappù pùla iwechi yau, yà'là pe ken iwechi pàk tok ponaloppe kappon yamùk yenpatauka màlà?

2 Corinthians 13:14

Tàwà uchi Itepulu Jesus Christ wettok wakù pe, molopai Katù uya pùnùnmantok, molopai Wakù Akkwalù pokonpe echitonpa pe we'nàtok apyau'nokon nechii.

Galatians 3:27

Masapùla tamù'nawolon kon mùkyamlo iichenpataukasak nai'nannùk Christ yak, wepontàsak màlà Christ yak.

Ephesians 2:18

Christ yai màlà tamù'nawolon kon kùmyamlo, asakklàma, Jew yamùk molopai Jew yamùk pen uyàttok wechi màlà tewinan Wakù Akkwalù yai Kùkàipùnù kon yemloto pona.

Colossians 1:23

Tùse ailon tetok auya'nokon wechi meluntà pe molopai i'nak kulu ikala iche we'nà man. Enpen ewettok kon ananùmùppù kon wakù itekale enetappù kon kan uchi kù'nonkatàu tà. Sàlà Wakù Itekale yekamappù màlà sàlà non pon kon tamù'nawolon kon kappon yamùk pàk. Molopai Iulà, Paul, wenappù màlà sàlà Wakù Itekale yapyoto pe.

1 Peter 3:21

Sàlàichi màlà tuna ke usenpataukantok walai, àpùikattàyatài'nùk, esak kuka winà pùla, tùse “Katù piyak welattà sàlà”tei'ma wakù pe tùwanmùla usenumenkantok pokonpe Jesus Christ we'wuluukatok yai.

1 John 5:7

Masapùla pùsamlo àsolùwawon kon mùyamlo yekamannan.