Matthew 27:63 - Patamuna New Testament Revised

⁶³ Molopai tok uya, “Ina yepulu, ina nùttuyan mùkkàlà kasei uya nulà lùppù tùwechi yau, ‘We'wuluuka tu'ma màlà àsolùwau wei tùpo,’ teppù ya.

Matthew 27:63 ပူးပေါင်းရင်းမြစ်များ

Matthew 16:21

Màlà motapai nen uchi Jesus uya ta'lon kon yelupappù màlà, “Utà pe man Jerusalem pona molopai eke ton uya utalumattà màlà ipla àsà pe, eke ton paatele yamùk yepulu yamùk, molopai Law pàk enupannan uya. Uwànà màlà molopai icholùwano wei yattai uwuluuka màlà,” tukaik.

Matthew 17:23

Tok uya iwànà màlà. Tùse icholùwano wei yattai iwuluuka màlà wema'nàtok yak,” teppù. Ya'lon kon usewankono'mappù kulu màlà.

Matthew 20:19

Molopai nen uchi itùlù màlà tùulon kon kappon yamùk Jew yamùk pen yemyak, tok wàkklà màlà ipàk italumattà pe. Tok uya ippoppàtù màlà, molopai tok uya ipukapàtù màlà pulusuk pona. Molopai nen uchi icholùwano wei yattai iwuluuka màlà wema'nàtok yak,” tukaik.

Matthew 26:61

Molopai, “Pùsàlà kàyik, ‘Katù yùwùk yamoklo'nài yek Iulà molopai àsolùwau wei tùpo yamù tu'ma uya,’ nùkatai,” teppù tok uya.

Matthew 27:64

Wakù pe tennài ke uluwaik wettoppe ikukkà icholùwano wei ponalà, ya'lonkonnùssan utà itàkàpù yonanse tukaik, molopai nen uchi kappon yamùk pàk, ‘Iwuluukasak man weli'nàtok yapai,’ te tukaik. Sàlà àkàmlà'no kasei wechi màlà àli peiwa wapiyalok yentai,” teppù.

Matthew 28:6

“Talà pùla nen man, iwuluukappù man wa teppù ya kasa. Àittàk kon, ipatappù yense.

Mark 10:34

“Molopai tok uya imottùnpa màlà, tok wetattapàtù màlà ipona. Ippoppàtù tok uya màlà molopai tok uya iwànà màlà. Molopai àsolùwau wei tùpo iwe'wuluuka màlà,” teppù Jesus uya.

Mark 8:31

Jesus wepyattàppù tùnenupa ton yenupa pàk, “Kàyik Mumu talumattàtok woton àsà pe. Tùnamasan itepulu yamùk, paatele yamùk yepulu yamùk, molopai Law pàk enupanài nan uya italumayippù pe inonkatok woton. Iwàtok woton, tùse iwe'wuluukatok woton àsolùwau wei tùpo,” tukaik.

Mark 9:31

masapùla tùnenupa ton yenupa pàk iwechippù. “Kàyik Mumu tùlù màlà kappon yamùk yemyak. Tok uya iwànà màlà, tùse kan àsolùwau wei tùpo iwe'wuluuka màlà tà,” tukaik.

Luke 18:31

esus uya 12 pan kon ta'lon kon yamappù molopai tok pàk, “Yetatàk kon! Utànnokon sàlà Jerusalem pona tamù'nawolon Katù Maimu yenpoikannan nùmenkappù Kàyik Mumu pàk wekkutok ailon pe yak.

Luke 18:33

Tok uya ippoppàtù màlà molopai iwànà màlà, tùse icholùwano wei yattai iwuluuka màlà,” teppù.

Luke 23:2

Molo Jesus talumattà pe tok uselupappù, “Pùsàlà kàyik yepotai ina, ina tonpa yamùk yennaka ya. Caesar yemyak pùlayatta tùlù tok uya tukaik, molopai tùmàlà pe Christ pe nekkuttai, Kin pe,” teppù tok uya.

Luke 9:22

“Kàyik Mumu wettalumattà màlà eke pe, molopai eke ton tùnamasan uya inulunpa màlà. paatele yamùk yepulu ton, molopai Law pàk enupannan uya inulunpa màlà. Iwànà màlà molopai iwe’wuluuka màlà icholùwano wei yattai,” teppù ya tok pàk.

John 2:19

Jesus uya tok maimu yeikuppù, “Sàlà Katù yùwùk yamokklottàk kon molopai àsolùwau wei yau yamù tukka uya màlà,” tukaik.

John 7:12

Tukkan kon kùlottau ipàk tùuselupasan wechippù, “Wakù nen mùkkàlà,” tukaik. Tùse tùulon kon uya, “Kane, kappon yamùk yennakanài mùkkàlà,” teppù.

John 7:47

“Amyamlo nàlà ken na' yennakai?” tukaik Pharisee yamùk uya tok yekamappoppù.

2 Corinthians 6:8

Namantok yau molopai kuli'mantok yau; àli pe uselupantok tùpàkù'nokon yau molopai wakù pe tapulàtok kon yau. Kasei ton tukaik tesattok kon yau, tùse ailon pe ina wechi.