Matthew 27:42 - Patamuna New Testament Revised

⁴² “Tùulon kon pùikattànài lùk mùkkàlà tùse tùyiwalà iwepùikattà pùla man! Israel pon kon Kinù lùk uchi mùkkàlà! Tàwà nuttài sàlà pe pulusuk poi, molopai ailon te'nokon màlà ipàk!

Matthew 27:42 ပူးပေါင်းရင်းမြစ်များ

Matthew 2:2

{“I'nai ken uchi mùkkàlà mule iwentusa'lùppù Jew yamùk kinù pe? Ichilùkàyi yentai ina wei wepakkatok winà molopai ina uyàssak sàlà yapulàse,” tukaik.

Matthew 27:37

Ippai yepoi tok uya àli pe uselupantok iwinàkàik menukasak tùlùppù màlà, “Pùsàlà mùkkàlà Jesus, Jew yamùk Kinù,” tawon.

Matthew 27:40

“Katù yùwùk yamokklopù lùkku auya tà molopai yamù auya àsolùwau wei yau neken! Epùikattàkàichi, Katù Mumu pe ewechi yau! Àwuttàkà pulusuk poi!” tukaik.

Matthew 27:41

Màlà kasa làma eke ton paatele yamùk yepulu ton molopai enupannan Law pàk molopai tùnamasan eke ton wàkklàppù Jesus pàk.

Mark 15:31

Molopai paatele yamùk yepulu ton molopai Law pàk enupannan uya wa làma imottùnpappù màlà, “Tùulon kon pùikattànài lùkkan màtà, tùse nen uchi tùyiwalà iwepùikattà pùla iwechi!

Mark 15:32

Imasa yenpai'nokon Christ, Israel Kinù uttà pulusuk poi, molopai ailon te toppe nokon ipàk!” teppù tok uya. Mùkyamlo amak ton nùssan Jesus talumattà tonpa yamùk uya nàlà imottùnpappù.

Luke 19:38

“Ipùlemasak mùkkàlà kin Itepulu yesek yau tùuyàssen! Wàlàkka'nàtok Epùn pon molopai Katù yapulàtok!” tukaik.

Luke 23:35

Kappon yamùk wechippù màlà satippe yene pàk, Jew yamùk yennài nan wàkklà Jesus talumattà pe tùse. “Tùulon kon pùikattànài ku mùkkàlà, tàwàichi nepùikattài, Katù nanùmùppù pe, molopai Christ pe tùwechi yau!” tukaik.

Luke 23:37

Molopai, “Epùikattàkà, Jew yamùk kinù pe ewechi yau,” teppù tok uya.

John 1:49

Nathanael uya yeikuppù, “Ticha, Katù Mumu àmàlà! Israel yamùk Kinù!” tukaik.

John 12:13

Màlàyau tok uya kumya yale yamùk yepoloppù molopai tok utàppù yepose, molopai tok wentaimeppù, “Hosanna Katù yapulàtàk kon! Ipùlemasak mùkkàlà nùyàssai'nùk itepulu yesek yau! Ipùlemasak mùkkàlà Israel yamùk Kinù!” tukaik.

John 12:47

Ànù'là umaimu yetanài molopai yawàlà tùwessen pen kottùma uya pen màlà. Wolù yawon kon kappon yamùk kottùmaik uyàssak pen sàlà, tùse tok pùikattàik.

John 9:24

Yakon itekkwa pe tok uya enpùla echippù kàyik kà'mappù. Tok uya ipàk, “Katù yapulàtok auya itùkà, ailon pe wa kakkà! Ina nùttuyan pùsàlà kàyik wechi tùmakuyi yawon pe,” teppù.

Yeunossak kon Wotokoyi 4:14

Tùse yà'làlà tetok tok uya pùla iwechippù, masapùla kàyik ichipittàsak lùppù wechi satippe molo Peter molopai John tawonnan pokonpe pàk.