Matthew 27:40 - Patamuna New Testament Revised

⁴⁰ “Katù yùwùk yamokklopù lùkku auya tà molopai yamù auya àsolùwau wei yau neken! Epùikattàkàichi, Katù Mumu pe ewechi yau! Àwuttàkà pulusuk poi!” tukaik.

Matthew 27:40 ပူးပေါင်းရင်းမြစ်များ

Matthew 16:4

“Àli ton molopai ailon ton pen mùkyamlo tùwekkussen yek pen kuttoppe yekamapponnan. Yentok ipàkàlà kupù pen màlà tùse Jonah pàk neken iwekkussak lùppù yekama,” teppù ya. Màlàyau tok nàmàppù ya molopai iitàppù.

Matthew 26:61

Molopai, “Pùsàlà kàyik, ‘Katù yùwùk yamoklo'nài yek Iulà molopai àsolùwau wei tùpo yamù tu'ma uya,’ nùkatai,” teppù tok uya.

Matthew 27:41

Màlà kasa làma eke ton paatele yamùk yepulu ton molopai enupannan Law pàk molopai tùnamasan eke ton wàkklàppù Jesus pàk.

Matthew 27:42

“Tùulon kon pùikattànài lùk mùkkàlà tùse tùyiwalà iwepùikattà pùla man! Israel pon kon Kinù lùk uchi mùkkàlà! Tàwà nuttài sàlà pe pulusuk poi, molopai ailon te'nokon màlà ipàk!

Matthew 27:54

Soicha yamùk yepulu, soicha yamùk pokonpe Jesus yelasu pe tùwessan uya tùlùpùnù molopai tamù'nawolon tùwekkussan yeneppù, tok wettalipasak wechippù màlà molopai, “Katù Mumu pe kulu iwechippù man!” teppù tok uya.

Matthew 4:3

Makui uyàpùppù màlà ipyak molopai, “Katù Mumu pe ewechi yau, sà tàk yamùk wekonekatoppe pùlomù pusappe ipàk yekamakà,” teppù ya.

Matthew 4:6

Molopai Jesus pàk, “Katù Mumu pe ewechi yau epukakà non pona. Masapùla Katù Maimu uya, ‘Katù uselupa màlà tùyinchelùyi yamùk pokonpe àpàk. Tok uya ayachi màlà temyatù kon ke atta là wànà auya tàk yamùk pona tukaik,’ {Psa 91.11 12} tesak pàk,” teppù.

Luke 16:31

“ Tùse Abraham uya, ‘Moses molopai Katù Maimu yenpoikannan yeta tùuya'nokon pùla iwechi yau, ànù'là we'wuluukasak lànen tùwelikù tùpo tùse, tùmakuyi kon winàpai tok welattà pen màlà,’ teppù ipàk,” teppù Jesus uya tok pàk.

Revelation 11:10

Kappon yamùk non pon kon utauchinpa màlà pùsamlo asa'lon kon welichak pàk. Panappe tok wechi màlà molopai lepantok yeunoko tok uya màlà, mùklà uya tùulon piyak tukaik, masapùla mùkyamlo Katù Maimu yenpoikannan uya eke pe kulu wettalumattàntok nessak non pon kon kappon yamùk pona pàk.