Matthew 26:75 - Patamuna New Testament Revised

⁷⁵ Molopai Peter uya Jesus uya tùpàk, “Kalicho tàwù wapiya, àsolùwau, itekkwa, ‘Ittunài pen Iulà,’ te auya màlà,” teppù ittuppù. Iwepakkappù, molopai ikalawùppù tùuseka'nonkaik.

Matthew 26:75 ပူးပေါင်းရင်းမြစ်များ

Matthew 10:33

Tùse ànù'là uponaloppe tùwechi yekamani pen ayupo, yekama uya Ukàipùnù epùn pon yemloto po pen màlà,” teppù Jesus uya.

Matthew 26:34

Jesus uya,“Ailon kulu sàlà, sàlà yewalupàyi tau Kalicho tàwù wapiya, ‘Ittunài pen Iulà,’ te auya màlà àsolùwau itekkwa,” teppù Peter pàk.

Matthew 26:74

Màlàyau Peter uya, “Ailon pe kulu tekamayaik. Tàwà làichi Katù utalumattài ailon pe pùla uselupa yau! Pùsàlà kàyik ittunài pen Iulà!” teppù. Màlà yattai nen uchi kalicho tàwùppù màlà.

John 13:38

Jesus uya imaimu yeikuppù, “Ewemattok tùlù kulu na' auya uponalok pe? Ailon kulu sàlà, kalicho tàwù wapiya màlà, ‘Unùttu pen mùkkàlà,’ te auya àsolùwau itekkwa,” tukaik.

1 Corinthians 4:7

Masapùla ànùk ken tùpatalà, tùulon kon yentai ewechi kon pa àkuttantàu? Yà'là ken molo nai itesappe ewettok kon enepoloppù kon pen? Molopai yepolo tùpo yà'là pe iwechi pàk autapulà kon màlà yeponàippù pen kasa.

Galatians 6:1

Utonpa yamùk, ànù'là uya àli kupù yeposak yau, àsà pe pùla amyamlo akkwalù yawon kon uya innappo tukka màlà ikasa iwenatoppe. Molopai elanneppe mettàik, amyamlo nàlà usetaluipa àli ànkuppai tukaik.

1 Peter 1:5

Ailon tetok Katù pàk yesak ton amyamlo, mùkkàlà meluntàlà màlà inotau ewettok kon pata weyu wenukapù ponalà. Katù uya tamù'nawolon kon kappon yamùk ittu yattai. Màlà yattai nen uchi àpùikattà kon ya màlà ikupù tùuya teppù tùuya kasa.