Matthew 26:55 - Patamuna New Testament Revised

⁵⁵ Màlàyau tukkan kon kappon yamùk iyàssak kon pàk, “Tùtaikepu ke molopai tùkasupalayi ke'ne ken na' uchi àuyàssak kon màlà uyachiche nai'nùk, amak yense utàn kasa là? Wei kaichalà ku chichiu pe wechippù tà Katù yùwùk tau, kappon yamùk yenupa pàk, molopai uyachi auya'nokon pùn.

Matthew 26:55 ပူးပေါင်းရင်းမြစ်များ

Matthew 21:23

Jesus wennappoppù màlà Katù yùwùk tak. Molopai kappon yamùk yenupa ya tùse, eke ton paatele yamùk yepulu molopai Jew yamùk yesak ton uyàpùppù Jesus piyak molopai tok uya yekamappoppù, “Yà'là yekkwa ken apàikkek yesak àmàlà sàlà yamùk kupù pa? Ànùk ken elepatai sàlà apàikkek ke?” tukaik.

Matthew 26:47

Tùuselupa pàk lùppù Jesus wechi tùse, Judas Iscariot, 12 pan kon ya'lon kon tonpa welepamùppù. Tukkan kon kappon yamùk wechippù ya'là, asa'lon yà kasupala molopai taikek tawon wechippù tok yemyau. Pùsamlo wechippù màlà eke ton paatele yamùk yepulu ton, molopai tùnamasan Jew yamùk neunokossan pe.

Mark 10:1

Màlà pata nàmàppù nen uchi Jesus uya molopai iitàppù Judea pona tuna Jordan pàk màwinàkàik. Kappon yamùk wepilittukkappù ipyak, molopai tok yenupappù ya tùwessek kasa là.

Mark 12:35

Jesus uya kappon yamùk yenupa Katù yùwùk tau yau, “Atta ken uchi iwechi pàk màlà Law pàk enupannan uya Christ mùkkàlà David pa te nai'nùk?” teppù.

Luke 19:47

Jesus uya kappon yamùk yenupappù màlà Katù yùwùk tau wei kaichalà. Tùse paatele yamùk yepulu ton, Law pàk enupannan, molopai kappon yamùk yennài nan wechippù màlà ànwàpai.

Luke 20:1

Tewin wei yattai Jesus wechi Katù yùwùk tau kappon yamùk yenupa pàk molopai Wakù Itekale yekama pàk tùse paatele yamùk yepulu ton, Law pàk enupannan, molopai tùnamasan kàyik yamùk tawonnan uyàpùppù màlà ipyak,

Luke 4:20

Kaleta yakkoloppù ya, innapoppù ya itùnàippù yemyak molopai iweleutappù. Tamù'nawolon kon kappon yamùk wepilittok itak tawon kon wechippù itenupàkà.

John 7:14

Uta'lettàntok yakletapailà là iwechi tùse Jesus wewomùppù Katù yùwùk tak, kappon yamùk yenupa pàk iwepyattàppù.

John 7:28

Màlàyau enupan lùppù tùuya Katù yùwùk tau yau Jesus wentaimeppù, “Ewaik, kùyittuyatàik, molopai i'nai motapaino pe wechi mùttuyatàik. Uyiwalà pùla talà wechi sàlà, tùse mùkkàlà uyeuno'nàippù mùkkàlà ailon. Mùkkàlà ittu auya'nokon pùla man.

John 8:2

Yakon wei yattai ko'làma iwennappoppù Katù yùwùk tak. Màlàyau kappon yamùk uyàpùppù ipyak, iweleutappù, molopai tok yenupa pàk iwessa'molùkappù.

John 8:20

Sàlà màlà Jesus uselupappù Katù yùwùk tawon pùlayatta pilittok yak motau echii'ma, tùse ànù'là uya yachippù pen, masapùla iweyu uyàssak pùla lùppù iwechi pàk.