Matthew 26:28 - Patamuna New Testament Revised

²⁸ Masapùla sàlà màlà umùnù Katù uya ikupù tùuya tetok. Umùnù sàlà ikkwansak tukkan kon ponaloppe, àli kuttok pàk usentuppantoppe.

Matthew 26:28 ပူးပေါင်းရင်းမြစ်များ

Matthew 20:28

Kàyik Mumu uyàpùppù tapyoto ke esse pen màlà, tùse apyoto pe esse, molopai tùwemattok tùse tukkan kon kappon yamùk ye'matoppe tùuya,” teppù Jesus uya.

Matthew 26:27

Molopai nàlà pùsau yanùmùppù ya. Tenki teppù ya, molopai itùlùppù ya tok yemyak. “Inchitàk kon, tamù'nawolon kon amyamlo.

Matthew 26:29

Tekamayaik àpàkù'nokon, sàlà tinchisen inchi uya pen nen uchi màlà, emennak inchi uya àpokonpe'nokon Ukàipùnù wettok itepulu pe patassek yau ponalà,” teppù ya.

Matthew 6:12

Ina makuyi pàk esentuppakà. Ina winàkàik iwemakuimassak kon pàk nàlà ina nùsentupayai'nùk kasa.

Mark 1:4

John usenpoikappù wontaik pe iwechi yak, kappon yamùk yenpatauka pe molopai wemakuimansak lùppù yekamatok usentuppan toppe yekale yekama pe. “Amakuyi kon winàpai elattàtàk kon. Katù usentupa màlà amakuyi kon pàk” tepù ya.

Mark 14:24

Jesus uya tok pàk, “Sàlà màlà umùnù iwekkwansak tukkan kon ponaloppe. Umùnù, Katù uya ikupù tùuya tetok wemyakanma pùla iwechi yekamanài,” teppù.

Luke 22:19

Molopai pùlomù pusak yanùmùppù ya, tenki teppù ya Katù pàk, ipenpàtùppù ya molopai itùlùppù ya tok yemyak, “Sàlà màlà upun itùsak àponalok kon pe. Sàlà mùkuttàik uyittutok auya'nokon ipàkàlà pe,” tei'ma.

Luke 22:20

Màlà kasa làma pùsau tùlùppù ya uta'lettàka'nàppà ye'mappùtak, “Sàlà màlà emennak pe Katù nùkuppù, ikopposak umùnù ke, ikwansak lùppù àponalok kon pe,” tei'ma.

Romans 5:15

Tùse lepantok wechi màlà Adam wemakuimatok kasa pùla. Masapùla tewinan kappon wemakuimasak winà tukkan kon welichak yau, màlà yentai palà Katù wettok wakù pe molopai lepantok ya wechi màlà tewinan kappon, Jesus Christ yai. Màlà tùuyàssen tukkan kon pona!

Romans 5:19

Molopai tewinan kappon wessak mayin yawàlà pùla uya tukke kappon yamùk kussak àli ku'nàinan pe, kasa làma tewinan kappon wettok mayin yawàlà uya tukkan kon tùlù màlà ikasa Katù pokonpe.

1 Corinthians 11:25

Màlà kasa làma kok yanùmùppù ya màlà uta'lettàn tùpo. “Sàlà kok màlà emennak ikupù tùuya tetok Katù uya umùnù yau, sàlàichi mùkuttàik, inchi auya'nokon kaichalà uyittutok auya'nokon ipàkàlà pe,” teppù ya.

Ephesians 1:7

Masapùla Christ mùnù yai wepùikattànsak nokon màlà, kùmakuyi kon pàk usentupansak. Eke kulu màlà wakù pe we'nàtok Katù winàpaino,

Colossians 1:14

Mùkkàlà uya mokkansak kon nai'nùk molopai kùmakuyi kon pàk usentupansak màlà.

Colossians 1:20

Tùmu yai nen uchi, Katù uya tamù'nawolon yà'làlà nepù tùuya tùpyak pàk, echitonpa pe we'nàtok konekappù màlà Tùmu welikù pulusuk po winà. Molopai màlà kasa nen uchi tamù'nawolon yà'làlà nepùppù ya imùnù yai tùpyak, asakklàma non po molopai epùn po nàlà.

Hebrews 10:29

Yà'là pe ken mùkkàlà wechi Katù Mumu yenpà'nài? Wakù pe esuken tùku'nài Jesus mùnù, Katù wekkuttok ikupù pàk ku'nài yà'làlà italumayippù kasa molopai Wakù Akkwalù, wakù ku'nài winàkàik àli pe tùuselupasen. Eke pe kulu tùtalumattàtok yepolo ya màlà!

Hebrews 13:20

Katù mùkkàlà lepanài echitonpa pe we'nàtok ke molopai Kùyepulu kon Jesus Christ wuluukanàippù weli'nàtok yapai. Jesus wechi nen uchi nai'nùk Eke Kalinilu yesak kasa, imùnù yapulàsak lùppù tàwàlàlà tùuko'mansen Katù wekkuttok ikupù pàk konekanài pe imunkà yamùk pàk.

1 John 2:2

Masapùla Christ wettùlùppù tùwelittok yak pàkànsau nen nai'nùk kùmakuyi kon pàk usentuppansak. Molopai kùmakuyi kon neken nà pàk pùla, tùse tamù'nawolon kon kappon yamùk makuyi pàk nàlà.

Revelation 7:14

“Ewai'nan, tùse mùttuyaik nen,” tukaik imaimu yeikuppù uya. Molopai umaimu yeikuppù ya. “Pùsamlo kappon yamùk mùkyamlo eke talumattàntok yawàlà iyàssak kon. Tùpon kon kukasak tok uya màlà nai'nùk, molopai aimu'ne tok uya imasak Kalinilu Mule mùnù ke.

Revelation 7:9

Sàlà tùpo uyenu tùlùppù uya molopai tukkan kon kulu kappon yamùk yeneppù uya. Ànù'là uya yà'là kaichalà là tok wechi ittu yentainokon. Pùsamlo wechippù màlà tamù'nawolon pata yawon kon pe, tùpatalonan kon ikkok yamùk, tùpatalo'nan kon kappon yamùk molopai tùpatalo'nan imaimu ton. Satippe aponnok yemloto po tok wechippù molopai Kalinilu Mule yemloto po. Tok wepontàsak wechippù aimu'nan pon yak, molopai kumya yale yachipppù tok uya temyau'nokon.