Matthew 26:24 - Patamuna New Testament Revised

²⁴ Kàyik Mumu welikù màlà Katù Maimu yau iwe'menukasak kasa, tùse àsà pe kulu iwechi màlà mùkkàlà Kàyik Mumu yeimipponài pona! Wakù peiwa iwettok pan, iwentu pùla iwessak yau!” tukaik.

Matthew 26:24 ပူးပေါင်းရင်းမြစ်များ

Matthew 18:7

Àsà pe kulu sàlà wolù pon kon kappon yamùk pona iwechi màlà, masapùla molo màlà kappon yamùk welattàtoppe iku'nài wechi. Màlà yekkwa ton wekkupù màlà, tùse àsà pe kulu iwechi màlà mùkyamlo iwekkuttoppe iku'nàinan pona!” teppù ya.

Matthew 26:31

Màlàyau Jesus uya tok pàk, “Sàlà yewalupàyi tau tamù'nawàlà ewepe kon màlà molopai unàmà auya'nokon, masapùla Katù Maimu yau iwe'menukasak màlà, ‘Kalinilu mainanpanài wànà uya màlà, molopai kalinilu yamùk wetta'nùpù màlà,’ tukaik.

Matthew 26:54

Tùse màlà kasa iwessak yau, yà'là kasa ken uchi iwekkupù ailon pe Katù Maimu uya iwekkupù màlà teppù yawàlà?” teppù.

Matthew 26:56

Tùse tamù'nawàlà sàlà yamùk wekkussak sàlà, Katù Maimu yawon Imaimu yenpoikannan uya màlà kasa iwekkupù màlà teppù kasa,” teppù ya. Màlàyau tamù'nawàlà Jesus ya'lon kon uya inàmàppù, aitunpe tok wepeppù.

Mark 14:21

Màlàpàk Kàyik Mumu utà màlà tùwelitok yak itekale yau iwe'menukasak tùpàk kasa. Àsà pe kulu iwechi màlà mùkkàlà kàyik pona. Kàyik Mumu tùsak ya man iwàtoppe. Wakù pe iwechippù epaino mùkkàlà wentusak pùla iwechi yau,” teppù.

Mark 9:12

Jesus uya tok maimu yeikuppù, “Elijah uyàpù nen màlà wapiya tamù'nawolon yà'làlà konekaik. Walà tùse yà'là pe ken uchi iwechi pàk màlà iwe'menukasak, ‘Kàyik Mumu wettalumattà màlà eke pe molopai inulunpa,’ tukaik uchi?”

Luke 22:22

Masapùla Kàyik Mumu welikù màlà Katù uya ikupùppù kasa. Tùse àsà pe kulu iwechi màlà mùkkàlà kàyik neimippoyai'nùk pona!” teppù Jesus uya.

Luke 24:46

Molopai tok pàk, “Sàlàichi màlà imenukasak lùppù mùkkàlà Christ wettalumattà màlà molopai iwe'wuluuka tùwelikù tùpo icholùwano wei yattai, tawon.

John 17:12

Tok piyau wechi yau, tok mainanpappù uya uyesek ulepatok auya winà. Ànù'là we'lachimappù pen tok kùlottapai, tùse tewinannà mùkkàlà tùumattasen yek, màlà Katù Maimu yau iwe'menukasak lùppù wekkuttoppe.

John 19:24

Sousa yamùk uya, “Ikalapàtù pen sàlà, tùse tàk walai lùkkwà tenu'mapàsse wenkalunàpai ànù'là uya ipon yassan nùppù yepolo yentoppe,” teppù. Sàlà wekkupùppù màlà Katù Maimu yau iwe'menukasak kasa iwettoppe. “Tok uya upon pantakapàtùppù tùkklottau'nokon, molopai upon yassan nùppù yepolo ànù'là uya yentoppe tùuya'nokon tàk walai lùkkwà tenu'mapàsse tok wenkaluppù,” tawon. Sàlà yamùk kupùppù màlà sousa yamùk uya.

John 19:28

Sàlà tùpo Jesus uya tamù'nawolon wenukassak ittuppù màlà. Katù Maimu yau iwe'menukasak lùppù kasa iwekkuttoppe, “We'nakklipayaik,” teppù ya.

Yeunossak kon Wotokoyi 2:23

Katù uya sà kasa wak nechiitta tetok tùuya yau, molopai ittutok tùuya yau, Jesus tùlùppù eyemyakù'nokon. Molopai iwànàppù auya'nokon, àli ton kappon yamùk uya tàwà ipukapàttoppe pulusuk pona ikupùppù auya'nokon.

Yeunossak kon Wotokoyi 28:23

Màlàpàk tok uya wei konekappù Paul pokonpe tùwessepotok kon pe, molopai tukke tok uyàpùppù màlà yattai Paul patassek yak. Ko'làma motapai ewalupà tepose Katù wettok itepulu pe yekale yekamappù ya. Jesus pàk ailon tetoppe tok uya ikupù iche iwechippù, Law Moses winàpaino molopai Katù Maimu yenpoikannan nùmenukappù yapai.

Yeunossak kon Wotokoyi 4:28

Tok wepilipùppù, tamù'nawàlà àmàlà emeluntàlù molopai eyeselu yau ànkupùppù iwekkutoppe kusse.

1 Corinthians 15:3

Unanùmùppù tùlùppù uya apyakù'nokon, sàlà eke pe kulu nai'nùk. Christ welikùppù màlà àli pe we'nàtok yepeppe, Katù Maimu yau iwe'menukasak kasa.