Matthew 25:30 - Patamuna New Testament Revised

³⁰ Pùsàlà tapulàsen pen apyoto, yenu'matàk kon polopona ewalupàttak. Molo ikalawù màlà molopai tùyà kàlàlài'ma ya,’ teppù,” teppù Jesus uya.

Matthew 25:30 ပူးပေါင်းရင်းမြစ်များ

Matthew 13:42

Molopai nen uchi tok uya tok yenu'ma màlà apok yak. Molo tok kalawù màlà tùyà kon kàlàlài'ma tok uya.

Matthew 13:50

Tok uya àli ku'nàinan yenu'ma màlà apok yak. Molo tok kalawù màlà molopai tùyà kon kàlàlài'ma tok uya,” teppù Jesus uya.

Matthew 22:13

Màlàyau kin uya tapyoto ton pàk, ‘Itemyatù molopai itta yaulontàk kon molopai yenu'matàk kon ewalupàttak. Molo ikalawù màlà molopai tùyà kàlàlài'ma ya,’ teppù ya.

Matthew 24:51

Itepulu uya yattàpàtù màlà echikili pe molopai tùusennakasan talumattàtok pùkkù pe iwechi. Molo ikalantok molopai tùyà kàlàlàikkatok ya wechi màlà.”

Matthew 3:10

“Wakka wekonekasak man yei pùlakun yamùk yattà pàk. Tamù'nawolon yei wakù pe itepelu tùwepetasen pen yattà màlà, molopai yenu'ma apok yak.

Matthew 5:13

“Pan kasaichi ewechi kon màlà kappon yamùk ponaloppe. Pan wenasak ine'neppe pùla yau, ine'neppe tu'ma imatok pùla iwechi màlà. Tapulàsen pe pùla iwenasak màlà, màlàpàk yenu'ma màlà. Molopai kappon yamùk usalà ipolo.

Matthew 8:12

Tùse mùkyamlo itepulu pe we'nàtok epùn po yau tùwessan yek yenu'ma màlà ewalupàttak polopona, molo tok kalawà màlà molopai tùyà kon kàlàlài'ma tok uya,” teppù Jesus uya.

Luke 13:28

Molo nen uchi kalannà màlà molopai àkàlàlàikka, Abraham, Isaac, Jacob, molopai tamù'nawolon kon Katù Maimu yenpoikannannùssan yene auya'nokon Katù wettok itepulu pe yattai yau, polopo nen uchi àkupù kon tùse.

John 15:6

Ànù'là uyau pùla nemassai'nùk, mùkkàlà wechi màlà yenu'masak yei panta waipùtasak kasa, màlà yekkwa ton màlà tanussen molopai apok wa'nak tenu'massen iyattoppe.

Titus 3:14

Tonpa wannà yamùk uya wakù wotoko kuttok yak tùweyu kon tùlù iche we'nà man, yà'là pùnon kulu wettok iche yau pùikattàn pàk tok wettoppe; tapulàsen pe tok wemattok wettoppe.

2 Peter 2:17

Pùsamlo mùkyamlo a'mun tuna yen walai non, katuppluk yasak meluntà assetun uya walai non; Katù uya tok patassek kussak man tàwàlàlà ewalupà yau.

Jude 1:13

Palau pon àsà chipachipa walainon mùkyamlo, kuli'manàinan teselu kon pokonpe tùusenpoika kon ke yaklon kasa. Tùutamasan chilùkà walainon mùkyamlo, Katù uya tok pata woton kussak màlà ewalupàttau we'nàtok tàwàlàlà yau.

Revelation 21:8

Tùse tùusenalippasan molopai ailon tawonnan pen, mùkkyamlo àli pe tùwessan, wànnan, tesak ke àli ku'nàinan, mùkyamlo piyassan yeselu ku'nàinan molopai ikonekasak katù yapulànnan, molopai tamù'nawàlà kasei ton uya tùnepolo kon yepolo màlà eke kulu apok tùuyassen patassek molopai kulupala kasa tùkà'nùnsen yau, màlà yakon itekkwa pe weli'nàtok,” teppù ya nàlà.