Matthew 24:7 - Patamuna New Testament Revised

⁷ Tewinan pata wepanta'ma màlà tùulon pata pokonpe, tùulon itepulu pe we'nàtok wepanta'ma màlà tùulon itepulu pe we'nàtok pokonpe. Iwan wechi màlà molo, molopai tùlùpùnù.

Matthew 24:7 ပူးပေါင်းရင်းမြစ်များ

Luke 21:11

Àsà tùlùpùnù wechi màlà molo, iwan pe we'nà màlà, àsà ton palan wechi màlà i'nailàlà, nalik ton wechi màlà molo, molopai eke ton tensan yekkwa ton pen wechi màlà kak yau,” teppù ya.

Yeunossak kon Wotokoyi 11:28

Tok tonpa Agabus itesek, wà'mùssakkappù molopai Wakù Akkwalù meluntàlù winà eke kulu iwan uyàpù tamù'nawàlà non pona, winàkàik iwechi yekamappù ya. Iyàpùppù màlà Claudius wechi itepulu pe yattai.

Yeunossak kon Wotokoyi 2:19

Tensen yekkwa pen kupù uya màlà kak yau, molopai yà'làlà enumenkanài kupù uya màlà non po. Mùn wechi màlà molo, molopai apok molopai ichin pe ikelechin.

Hebrews 12:27

Màlà “tewin itekkwalok” tetok uya yekama màlà tùutamasan yattù'ma pàk, màlà yamùk ikonekasak kon. Molopai tùutattù'masen pen wà'nàntoppe molo teya.

Revelation 6:12

Molopai Kalinilu Mule uya 6 pe iku'nài ikkwàtùppù takkokase. Àsà pe kulu tùlùpùnù wechippù molo, molopai wei wenappù ikklùn pe, ichin kuyalikku kasa, kapùi wenappù tamù'nawà ichuweyu pe mùn kasa.

Revelation 6:5

Màlà tùpo Kalinilu Mule uya icholùwano yachittok ikkwàtùppù takkokase, molopai icholùwano nulà nan ànù'lànan uya, “Àikkà!” te, yetappù uya. Uyenu tùlùppù uya, màlàyau ikklùn kawale wechippù molo. Ipo tùwessen wechippù wemantok ike itemyau.

Revelation 6:6

Mayin uyàpù yetappù uya asakùlà'nan kon nulànan kon ànùkyan nànan winàpai kasa. Màlàyau mayin uya, “Tewinan pùsau paali, àlichi walai wechi màlà tewin wei we'wotokomantok yepeppù pe, molopai àsolùwawon pùsau paali walai wheat, wechi màlà tewin wei we'wotokomantok yepeppù pe. Tùse olive yek molopai chi'nak grape yek kù'mattanùpùi,” teppù.

Revelation 6:8

Uyenu tùlùppù uya, màlàyau tenkoloimu'nan kawale wechippù molo. Ipo tùwessen yesettàsak wechippù Weli'nàtok pe, molopai iwelichak kon patassek wechippù màlà ite'mappù pàk mei pùla. Apàikkek ke tok lepasak wechippù màlà ipùkkù pe là (1/4 pe) non yepoi, wàntoppe wepanta'mantok yai, iwan ke, palan ke, molopai àsà ton kamo yamùk non pon kon ke.