33 Màlà kasa làma, tamù'nawàlà sàlà yamùk yene auya'nokon yau, pata weyu wechi mei pùla, iyàpù winàkàik iwechi ittu auya'nokon màlà.
“Tàwàichi fig yek eyenupataù. Ipanta yamùk wechi lola pe molopai àmù pe yau, molopai iwaleta yau, wàppànàtok yattai wechi mei pùla ittunnan amyamlo.
Masapùla Katù Maimu uya, “Mùkkàlà tùuyàssen uyàpù màlà, tachin pe iwechi pen kulu màlà.
Kàsàulàmatàu àtonpa kon winàkàik, utonpa yamùk, atalumattà kon tukaik. Talumattànài mei pùla man, iwekonekasak tùusenpoikatoppe.
Tamù'nawolon yà'làlà wenukattok yattai mei pùla man. Eyesak kon pe ettàk kon, molopai enpen ettàk kon, àwàpùlema kon pe.
Yetakà! Satippe wessaik manatta po molopai tei'tei ukayaik. Ànù'là uya umaimu yeta molopai manatta yakkokasak yau, itùwùk tak wewomù màlà. Uta'lettà màlà ipokonpe molopai iita'lettà màlà upokon pe.