Matthew 24:31 - Patamuna New Testament Revised

³¹ Eke paka letù walai wai tàwù màlà, molopai tùyinchelùyi yamùk yeunoko ya màlà asakùlà'nan non pana'mu yawà. Molopai mùkyamlo uya iponalok kon inanùmùssan pilipù màlà tamù'nawàlà wolù yapai,” teppù Jesus uya.

Matthew 24:31 ပူးပေါင်းရင်းမြစ်များ

Matthew 13:41

Kàyik Mumu uya tùyinchelùyi yamùk yeunoko màlà, molopai tok uya itepulu pe iwettok yapai tamù'nawolon kon kappon yamùk wemakuimatoppe tok ku'nài nan pilipù màlà, molopai tamù'nawolon kon àli ku'nài nan.

Matthew 24:22

Tùse Katù uya pata weyu yamùk tonpakasak man, ikussak ya pùla iwechi yau, ànù'là uya wemapù pen màlà. Tùnanùmùssan pàkànsau Katù uya pata weyu yamùk tonpaka màlà.

Matthew 24:24

Masapùla ailon pen Christ molopai ailon pen itekale yenpoikannan usenpoika màlà. Eke ton wotoko molopai enumenkanài kupù tok uya màlà yanùnsak kon yennakatoppe tùuya'nokon, tok yennaka tùuya'nokon pe iwechi yau.

Matthew 24:32

“Tàwàichi fig yek eyenupataù. Ipanta yamùk wechi lola pe molopai àmù pe yau, molopai iwaleta yau, wàppànàtok yattai wechi mei pùla ittunnan amyamlo.

Matthew 25:31

“Kàyik Mumu uyàssak tapulàtok yau tùyinchelùyi yamùk pokonpe yau, chichiu pe iwechi màlà akkwa wakù tapon po.

Matthew 28:18

Jesus uyàpùppù màlà mei pùla molopai tok pàk, “Ulepasak man tamù'nawolon apàikkek ke epùn yau molopai non po.

Mark 13:27

Tùyinchelùyi yamùk yeunoko ya màlà i'nailàlà non yawàlà Katù ponalok kon kappon yamùk piliche tamù'nawolon pata yamùk yapai, wei wepaka motapai wei wewomù motak,” teppù Jesus uya tok pàk.

Luke 24:47

Molopai itesek yau àli kuttok winàpai welattàntok Katù winàkàik, molopai àli kuttok pàk usentuppantok yekale yekama màlà tamù'nawàlà pata yamùk yawàlà, Jerusalem poi tùpyattàse.

John 11:52

tùse mùkyamlo ponaloppe neken pùla, tùse mùkyamlo nàlà iwetta'nùssak kon Katù munkà yamùk ponaloppe, tok nesse tamùkke tewin tok wettoppe.

Romans 10:18

Tùse tekamappoyaik, ailon ken na' màlà tok uya itekale yetappù pùla iwechi? Ewaik, tok uya yetappù. Katù Maimu uya “Tok maimu utàppù màlà tamù'nawàlà wolù yawàlà, tok maimu utàppù tamù'nawàlà non pon kon piyak,”te kasa {Psa 19.4}

1 Corinthians 15:52

Asse'ne kulu pikiu te kasa, àkàmlà'no paka letù walai wai tàwù yau. Masapùla itàwù yau, iwelichak kon we'wuluuka màlà tùukàtasan pe pùla molopai tamù'nawàlà kùmyamlo wemyakanma màlà.

Ephesians 1:10

Katù uya ikupù màlà yenuka'nùpù ya iwalai iweyu yattai, tamù'nawolon kon tùnkonekassan nepù Ya tamùkke, tamù'nawolon kon epùn pon kon, molopai non pon kon, màlàyau Christ wechi nen uchi màlà tamù'nawolon yepoi.

1 Thessalonians 4:16

Eke wentaimentok wechi màlà molo meluntà pe kan, inchelù yepotolù maimu useta màlà, Katù wayi tàwù màlà molopai nen uchi Itepulu uttù màlà epùn poi! Mùkyamlo iwelichak kon ailon tei'ma Christ pàk we'wuluuka màlà wapiya.

2 Thessalonians 2:1

Utonpa yamùk, Kùyepulu, Jesus Christ uyàttok molopai wepili'nàtok tamùkke ipyau we'nàtoppe pàk, apawanattàyatàu Iulà,

Hebrews 12:19

Molopai nàlà talipanài paaka letù lùppù walai tàwùppù eke pe, molopai mayin itekale pokon pan wechippù àsà pe kulu yattaino walai motak. Màlà yekkwa yattai Katù pawanattàppù kappon yamùk uya telupa kon ya enetatu'mapai pùla tùwechi kon pàk.

Revelation 1:20

“7 pan chilùkà yamùk kamik pen uyemyatù yau menyai'nùk molopai 7 pan kolù yapai ikonekasak lanppu yapon nekama màlà sà tonantau nai'nùk. 7 pan kon chilùkà yamùk mùkyamlo inchelù yamùk 7 pan sochi yamùk inchelùyi yamùk, molopai 7 pan kolù yapai ikonekasak lanppu yapon yamùk màlà 7pan sochi yamùk,” teppù ya nàlà.

Revelation 11:15

Màlàyau 7 pe iku'nài inchelù uya tùwayi tàulùnpappù, molopai eke pe mayin yamùk uya epùn poi, “Itepulu pe we'nàtok non pon kon yepoi Kùyepulu kon Katù molopai ineunokoppù Christ ponaloppe nen uchi man, molopai itepulu pe iwechi màlà tàwàlàlà molopai tàwàlàlà!” teppù.

Revelation 7:1

Sàlà ye'mappùtak asakùlà'nan kon inchelù yamùk yeneppù uya satippe asakùlà'nan non pana'mu yau. Tok uya asakùlà'nan assetun non pon yachippù, yà'là yekkwa là assetun utasse'ma non po, wapùla tuna po, wapùla yà'là yekwa là yei pàk tukaik.

Revelation 8:2

Màlàyau 7 pan kon inchelù yamùk Katù yemloto po satippe tùwessan yeneppù uya, tok lepasak wechippù 7 pan paka letù lùppù walai wai ke.