Matthew 24:30 - Patamuna New Testament Revised

³⁰ Màlàyau nen uchi Kàyik Mumu yentok ipàkàlà woton usenpoika màlà kak yau. Màlàyau nen uchi tamù'nawolon kon kappon yamùk non pon kon kalawù màlà. Kàyik Mumu uyàpù katuppluk po epùn poi, meluntà pe molopai eke pe akkwa pokonpe yene tok uya màlà.

Matthew 24:30 ပူးပေါင်းရင်းမြစ်များ

Matthew 24:3

Jesus wechi chichiu pe Olive Tùpù po tùse, ya'lon kon uyàpùppù màlà ipyak amak yai. “Ina pàk yà'là yattai sàlà yamùk wekkupù yekamakà, molopai yà'là wekkupù àuyàpù winàkàik, molopai pata weyu wenukassak yekamanài pe,” teppù tok uya.

Matthew 24:37

Kàyik Mumu uyàttok wechi màlà iwekkussak lùppù Noah yattai kasa.

Matthew 24:39

Tùse yà'làlà wekkupù ittuppù tok uya pen, tuna'ma uyàpù molopai teulankakon ya ponalà. Màlà kasa làmaichi iwechi màlà Kàyik Mumu uyàpù yau.

Matthew 26:64

Jesus uya yeikuppù, “Wa mùkayatàik làkku tà. Tùse tekamayaik àpàkù'nokon, sàlà motapai yene auya'nokon màlà Kàyik Mumu wechi chichiu pe apàikeppe tùwessen kamikù pen winà, molopai iyàpù katuppluk po epùn poi!” tukaik.

Mark 13:26

Kàyik Mumu usenpoika màlà katuppluk yau. Iyàppù eke pe tùmeluntàlù ke molopai tùyakkwayi yau.

Mark 13:4

“Masa yekamakà ina pàk, yà'là yattai ken sàlà yamùk wechi molopai yà'là wechi yentok ipàkàlà pe sàlà yamùk wekkupù yau?” teppù tok uya.

Luke 21:27

Màlà yattai nen uchi Kàyik Mumu usenpoika màlà. Iyàpù màlà katuppluk yau meluntà pe molopai tapulàtok yau.

Luke 22:69

Tùse sàlà motapai Kàyik Mumu weleuta màlà tapon pona, kamik pen winà Katù piyau. Katù mùkkàlà tamù'nawolon yau meluntà,” tukaik.

Yeunossak kon Wotokoyi 1:11

“Kàyik yamùk Galilee pon kon, yà'là pe ken iwechi pàk kak yenupàkà ewechi kon màlà? Pùsàlà Jesus Epùn pona yanùmù nepàssai'nùk ewinàpai'nokon, mùkkàlà tùuyà tu'ma woton epùn pona iità menpàssatài'nùk kasa,” teppù tok uya.

2 Thessalonians 1:7

Molopai ewettalumattàtok kon yapai ewepùikattàtok kon ke elepa kon ya màlà, molopai ina lepa ya nàlà màlà. Sàlà kupù ya màlà Itepulu Jesus usenpoika epùn poi yau. Iyàpù màlà apok ulenpansak yau meluntà ton inchelù yamùk pokonpe, Katù ittunan pen talumattàik, molopai mùkyamlo Wakù Itekale Kùyepulu kon Jesus maimu yawolon kon pen talumattàik.

Revelation 1:7

Yentàk, nùyàssan katuppluk yau! Tamù'nawolon kon uya yene màlà. Mùkyamlo ipukapà'nài nan nùssan uya là. Tamù'nawolon kon kappon yamùk sàlà non pon kon usewankono'ma màlà iwenai. Ewaik, màlà kasa iwettok woton! Emen.

Revelation 12:1

Molopai nen uchi eke yentok ipàkàlà usenpoikappù epùn poi. Nossan wechippù màlà molo, ipon wechippù wei molopai kapùi wechippù itta yo'no, molopai 12 pan chilùkà yamùk ipokon alok wechippù ippai pàk.