Matthew 24:24 - Patamuna New Testament Revised

²⁴ Masapùla ailon pen Christ molopai ailon pen itekale yenpoikannan usenpoika màlà. Eke ton wotoko molopai enumenkanài kupù tok uya màlà yanùnsak kon yennakatoppe tùuya'nokon, tok yennaka tùuya'nokon pe iwechi yau.

Matthew 24:24 ပူးပေါင်းရင်းမြစ်များ

Matthew 22:14

Masapùla tukkan kon kà'masak màlà tùse tukkan kon pen yanùnsak,” tukaik, teppù Jesus uya.

Matthew 24:11

Tukke ailon pen itekale yenpoikannan usenpoika màlà molopai tukkankon kappon yamùk yennaka tok uya.

Matthew 24:22

Tùse Katù uya pata weyu yamùk tonpakasak man, ikussak ya pùla iwechi yau, ànù'là uya wemapù pen màlà. Tùnanùmùssan pàkànsau Katù uya pata weyu yamùk tonpaka màlà.

Matthew 24:25

Yetatàk kon! Sàlà tekamapàsaik iweyu wapiya.

Matthew 24:31

Eke paka letù walai wai tàwù màlà, molopai tùyinchelùyi yamùk yeunoko ya màlà asakùlà'nan non pana'mu yawà. Molopai mùkyamlo uya iponalok kon inanùmùssan pilipù màlà tamù'nawàlà wolù yapai,” teppù Jesus uya.

Matthew 24:5

Masapùla tukkan kon kappon yamùk uyàpù màlà uyesek yau, ‘Christ Iulà!’ tei'ma, molopai tukkan kon kappon yamùk yenkuttà tok uya màlà.

Matthew 7:15

“Tùttuse ettàk kon, ailon pen itekale yenpoikannan pàk. Tok uyàpù màlà apyakù'nokon kalinilu kasa là tok usene màlà polopo, tùse àsà ton kamo yamùk kasa tok wechi màlà.

Mark 13:22

Masapùla Christ pe tukaik, molopai Katù Maimu yenpoikannan pe tukaik tùusennakasan ailon ton pen uyàpù màlà molopai yentok ipàkàlà woton, eke ton enumenkanài molopai enalippanài kupù tok uya màlà. Ikupù tùuya'nokon yau Katù nanùmùssan yennakaiche tok wechi màlà.

Luke 18:7

Katù uya ken na' tùnanùmùssan kalawù tùpàk weinai, molopai ewalupàttau, tùse italumattànàippù tùtalumattàse pùla iwechi?

John 4:48

Jesus uya ipàk, “Ailon te auya'nokon pen tùse neken tensanyek ton pen eke wotoko kupù yene auya'nokon yau,” teppù.

John 6:37

Tamù'nawàlà Ukàipùnù uya ulepatok kon uyàpù màlà upyak, ànù'là upyak tùuyàsen nulunpa uya pen.

John 6:39

Molopai sàlàichi màlà Uyeuno'nàippù yeselu, tamù'nawà ulepatok kon ya lachima uya pen màlà, tùse tamù'nawàlà tok wuluuka uya màlà wema'nàtok yak tewinanùppù wei yattai.

Yeunossak kon Wotokoyi 20:16

Paul wekkupùppù màlà Ephesus po tùweleutaik pùla tùutà pàk. Masapùla Asia yawolon nà pata yau tùuko'mamà iche pùla tùwechi pàk. Ichemittàpappù Jerusalem pona tùwelepamùichek, Pentecost pàk Uta'lettàntok yattai.

Romans 12:18

Tamù'nawolon ànùttu kon wakù mùkuttàik tamù'nawolon kon kappon yamùk pokonpe echitonpa pe ewemapù kon pa.

Galatians 4:15

Yà'là pe ken autauchinpatok kon wechippù nai? Yekama uya sàlà màlà kasa ikupù auya'nokon yau eyenu kon mokkappù sàlà auya'nokon eppaino, molopai itùlù kon pa uyemyak.

2 Timothy 2:19

Tùse meluntà sa'man wakapu Katù nùnonkappù tùutalo'ma woton pen màlà; molopai sàlà mayin we'menukasak màlà ipàk: “Itepulu mùkkàlà, tùponalok kon ittunài,” {Num16.5} molopai, “Ànù'là Itepulu yesek yesa'nài welattà màlà iwalai pen winàpai,” tukaik.

1 Peter 1:5

Ailon tetok Katù pàk yesak ton amyamlo, mùkkàlà meluntàlà màlà inotau ewettok kon pata weyu wenukapù ponalà. Katù uya tamù'nawolon kon kappon yamùk ittu yattai. Màlà yattai nen uchi àpùikattà kon ya màlà ikupù tùuya teppù tùuya kasa.

2 Peter 3:17

Tùse amyamlo, utonpa yamùk kulu uya sàlà ittukassak màlà. Elanneppeichi ettàk kon, tùpanama kon yawolon kon pen kappon yamùk utattok winà ayalà kon tukaik, molopai ewesselekkwa kon wakù apatassek kon yapai tukaik.

1 John 2:18

Umunkà yamùk kulu tàwà, pata weyu wenukattok mei pùla man; àpàkù'nokon Mùkkàlà Christ Yeyaton uyàttok woton yekamappù màlà. Sàlà pe tukke Christ yeyaton non usenpoikakassak man, màlàpàk ittu'nokon man pata weyu wenukattok wechi mei pùla.

1 John 2:22

Ànùk ken uchi mùkkàlà kasei? Mùkyamlo, Jesus mùkkàlà Christ pen, tawonnan. Mùkkàlà wechi màlà Christ yeyaton pe. Asakklàma Kùkàipùnù molopai Imu tawonnan nulunpannan mùkyamlo.

1 John 5:18

Ittu'nokon man ànù'là Katù mule wechi tùwemakuima pàk tùwessen pe pùla, masapùla Katù Mumu uya ikupù wakù pe pàk, molopai, Mùkkàlà Ene Makui uya yappàtù pen màlà.

Revelation 19:20

Àsà ene yachippù màlà, tamùkke iwalai pen itekale yekamanàippù pokonpe, mùkkàlà tensan pen yamùk ku'nàippù itemlotopo. (Màlà tensan pen yamùk winà màlà mùkyamlo àsà ene uya pattàntok yesak ton yennakappù ya, molopai àsà ene kasa ikonekasak yapulànnan nùssan.) Àsà ene molopai iwalai pen itekale yekamanàippù tawonnan yenu'mappù màlà asakklàma, nulà apok yak kulupala kasa tùkà'nùnsen pokonpe tùuyassen yak.