Matthew 23:34 - Patamuna New Testament Revised

³⁴ Màlàpàk uchi Katù Maimu yenpoikannan teunossaik, molopai pukkek ton, molopai enupannan. Tok tonpa yamùk wànà auya'nokon màlà, tùulon kon pukapàtù auya'nokon pulusuk pona. tùulon kon ippoppàtù auya'nokon màlà ewepilittok kon itak tau, molopai tok yenpe auya'nokon màlà pata yapai tùulon pata yamùk yawàlà'ne.

Matthew 23:34 ပူးပေါင်းရင်းမြစ်များ

Matthew 10:23

“Molopai atalumattà kon tok uya tewinan pata yau yattai mepetàik tùulon pata yak. Ailon kulu sàlà, tamù'nawolon pata yamùk Israel yawolon kon yaletùkka auya'nokon pen màlà, Kàyik Mumu uyàpù wapiya,

Matthew 13:52

Màlàpàk yeikuppù ya, “Sàlà uyaichi yekamasak màlà, tamù'nawolon kon Law pàk enupannan itepulu pe we'nàtok epùn po pàk wechi màlà tapùi yesak emennak ton molopai penalok kon mamin yamùk yenpakkayai'nùk ipilittok tùuya tapai tak kasa,” tukaik.

Matthew 23:31

Màlàpàk uchi mùkyamlo Katù Maimu yenpoikannan wànnanùssan payan pe ewechi kon yekama auya'nokon màlà!

Luke 24:47

Molopai itesek yau àli kuttok winàpai welattàntok Katù winàkàik, molopai àli kuttok pàk usentuppantok yekale yekama màlà tamù'nawàlà pata yamùk yawàlà, Jerusalem poi tùpyattàse.

John 16:2

Tok uya eyenpakka kon màlà Jew yamùk wepilittok itak yamùk tapai. Wei nùyàssan ànù'là àwànài'nokon uya Katù ponaloppe tùwe'wotokoma kon pe tok uya yekama màlà.

John 20:21

Màlàyau Jesus uya tu'ma tok pàk, “Wàlàkka'nàtok wechi màlà apyau'nokon, Ukàipùnù uya uyeunossak nai'nùk kasa làma eyeunoko kon uya sàlà,” teppù.

Yeunossak kon Wotokoyi 1:8

“Tùse meluntà yepolo auya'nokon màlà Wakù Akkwalù uyàssak àpona'nokon yau, molopai uyekaman nan pe ewechi kon màlà Jerusalem po, tamù'nawàlà Judea yawàlà molopai Samaria polo, molopai mailàlà sàlà non wenukattok yawàlà,” teppù Jesus uya tok pàk.

Yeunossak kon Wotokoyi 11:27

Màlà yattai Katù Maimu yenpoikannan utàppù màlà Jerusalem poi Antioch pona.

Yeunossak kon Wotokoyi 12:2

James, John lui, wàtoppe kasupala sà wino'nan yà ke ikupùppù ya.

Yeunossak kon Wotokoyi 13:1

Sochi tau Antioch po màlà Katù Maimu yenpoikannan molopai enupannan wechippù. Tok kùlottau Barnabas, Simeon Niger tukaik tesassen, Lucius Cyrene poino, Manaen, pata yesak Herod piyau ichemokkasak molopai Saul wechippù molo.

Yeunossak kon Wotokoyi 14:19

Màlà tùpo tùulon kon Jew yamùk uyàpùppù Antioch Pisidia pon poi molopai Iconium poi; molopai tok uya tukkan kon kappon yamùk lattàppù tùwinàkài'nokon, Paul wànàppù tok uya tàk ke molopai tok uya iwolokappù màlà pata poi iwelichak pe tekamaik.

Yeunossak kon Wotokoyi 15:32

Judas molopai Silas mùkyamlo, Katù Maimu yenpoikannan tùmàlà'nokon pe uselupappù tachin pe ailon tawonnan pokonpe, tok lepa pe tok meluntàlù ke meluntà pe tok wettoppe.

Yeunossak kon Wotokoyi 5:40

Yeunossak kon kà'mappù tok uya, molopai tok ippoppàtùppù, molopai tok yàulàmappù tok uya tok uselupa tu'ma Jesus yesek yau tukaik. Molopai tok nonkappù tok uya.

1 Corinthians 2:6

Walà tùse, ina uselupa, pukkeppe we'nà yekale pàk ichemokkasak kon kùlottau. Tuse, sàlà wolù winàpaino pukkek pàk pùla wapùla sàlà wolù yepulu ton pàk pùla. Pùsamlo mùkyamlo yà'là pùla nenayai'nannùk.

1 Corinthians 3:10

Wakù pe Katù wettok uya ulepappù lùppù ike yapulà pe, ittunài kasa tamùsen yapon tùkonekatai molopai tùulon nen uchi màlà pona namùyan. Tùse yamùnnan tàwà tùttuik nechii yà'là kasa yamù tùuya'nokon yau.

Colossians 1:28

Màlàpàk Christ yekamannan ina tamù'nawolon kon kappon yamùk pàk. Tamù'nawolon kon yekamaponnan ina molopai tok yenupannan, tamù'nawolon pukkek ke, tamù'nawolon kon nettoppe Katù yemloto pona wakù pe tamùnawàlà ipùkkù pe neken pùla Christ kasa kulu nen uchi.

1 Thessalonians 2:16

Tok wechippù nàlà ina yeleutanùpùiche Wakù Itekale yekama ina uya kappon yamùk Jew yamùk pen pàk tukaik, tok wepùikattà tukaik. Sàlà kasa màlà tamù'nawàlà eke pe tok makuyi wepilipù tok pona. Màlàpàk nen uchi Katù we'naikatok wepukakasak man tok pona.

Hebrews 11:37

Tok wànàppù màlà tàk ke, tok sala'mopàtùppù màlà asa'là, kasupala walai ke tok wànàppù. Tok usalàppù màlà kamo pippà yak tùwepontàse, kalinilu pippà wapùla kaapala pippà yau. Yà'là pùla tok wechippù, italumattàsak pe molopai imottùnpasak pe.

Revelation 11:10

Kappon yamùk non pon kon utauchinpa màlà pùsamlo asa'lon kon welichak pàk. Panappe tok wechi màlà molopai lepantok yeunoko tok uya màlà, mùklà uya tùulon piyak tukaik, masapùla mùkyamlo Katù Maimu yenpoikannan uya eke pe kulu wettalumattàntok nessak non pon kon kappon yamùk pona pàk.