Matthew 23:13 - Patamuna New Testament Revised

¹³ “Àsà pe kulu iwechi màlà àpona'nokon, Law pàk enupannan molopai Pharisee yamùk! Tùusennakasan amyamlo! Kappon yamùk wakkà'nàinan, itepulu pe we'nàtok epùn po mùlatta takkose. Màlà yak amyamlo utà pen màlà molopai tùulon kon utàtoppe tok kupù auya'nokon pùla man.

Matthew 23:13 ပူးပေါင်းရင်းမြစ်များ

Matthew 23:16

“Àsà pe iwechi màlà àpona'nokon, enpùla echii'ma anàinan! Enupannan amyamlo, ‘Ànù'là uya suwa wechi màlà tesak Katù yùwùk winà yau, yà'là pe iwechi pen màlà, tùse watesak ya kolù Katù yùwùk tawon winà yau, mùkkàlà yachisak màlà ikupù uya màlà teppù ya lùppù uya,’ tukaik,” teppù Jesus uya.

Matthew 23:23

“Àsà pe kulu iwechi màlà àpona'nokon Law pàk enupannan, molopai Pharisee yamùk! Tùusennakasan amyamlo! Katù lepanàinan amyamlo tewin 10 pan itesappe ewettok kon yapai, kùyali kà'nùnpanàinan là mint, dill molopai cummin ke, tùse tùkussen kulu law yawon uya enupantok nulunpannan amyamlo, ikasa we'nàtok, usentuppantok molopai ailon pe we'nàtok. Sàlà yamùk kupù auya'nokon sàlà eppaino wapiyalok tùnulunpase pùla.

Matthew 23:25

“Àsà pe iwechi màlà àpona'nokon Law pàk enupannan, molopai Pharisee yamùk! Tùusennakasan amyamlo! Àkokù kon molopai apalapiyi kon kukannan polopo, tùse yau useka'nonkantok molopai iwalàwannà iche we'nàtok kuttok ke iwanùsak man.

Matthew 23:27

“Àsà pe kulu iwechi màlà àpona'nokon Law pàk enupannan molopai Pharisee yamùk! Tùusennakasan amyamlo! Aimu'nan ke uluwaik kukasak usene wakù pe polopo walai non, tùse iwelichak kappon yamùk yàppùlùssan molopai ikà ke iwanùssak yekkwa ton.

Matthew 23:29

“Àsà pe iwechi màlà àpona'nokon Law pàk enupannan molopai Pharisee yamùk! Tùusennakasan amyamlo! Wakù pe uluwaik konekannan amyamlo Katù Maimu yenpoikannan ponaloppe, molopai wakù pe iwemassak kon uluwachi yùpùlùttànnan.

Matthew 3:7

Tùse tukke Pharisee yamùk molopai Sadducee yamùk uyàpù tùpyak tenpataukatok kon pe yensak tùuya yau, John uya tok pàk “Àkài yamùk, ànùk ken uchi epetàk kon Katù we'naikatok nùyàssai'nùk winàpai nùkai àpàkù'nokon,” teppù ya.

Luke 11:52

“Àsà pe man àpona'nokon, Law pàk enupan nan! Ittutok kiyi mokkappù auya'nokon man. Amyamlo là wewoùppù pùla man molopai mùkyamlo tùwewonsan wakkàtùppù auya'nokon man,” teppù Jesus uya.

John 9:22

Ikàipùnù molopai ichan tawonnan uya màlà wateppù, masapùla Jew yamùk yepulu yamùk pàk tùusenalipa kon pàk. Masapùla “Ànù'là uya pùsàlà mùkkàlà Christ tesak yau yenpakka màlà Jew yamùk wepilittok itak tapai,” te kasak tok uya pàk.

John 9:24

Yakon itekkwa pe tok uya enpùla echippù kàyik kà'mappù. Tok uya ipàk, “Katù yapulàtok auya itùkà, ailon pe wa kakkà! Ina nùttuyan pùsàlà kàyik wechi tùmakuyi yawon pe,” teppù.

John 9:34

Tok uya imaimu yeikuppù, “Amakuyi yau ewentuppù i'napailà, tùse na' ina yenupaiche ewechi màlà?” tukaik. Molopai tok uya yenpakkappù.

Yeunossak kon Wotokoyi 13:8

Tùse Elymas, piyassan walai, uya tok wakkàtùppù, (sàlà Elymas màlà Greek yau itesek) Itepulu lattàiche iwechippù ailon tetok winàpai.

Yeunossak kon Wotokoyi 5:28

“Pùsàlà kàyik yesek yau kappon yamùk kùsenupatàu, nùkatai nàlà ku ina àpàkù'nokon, tùse enupantok auya'nokon utà kassak man tamù'nawàlà Jerusalem polo, molopai ina ànkuppai messatàik iwànài nan nùssan pe!” teppù tok uya.

Yeunossak kon Wotokoyi 5:40

Yeunossak kon kà'mappù tok uya, molopai tok ippoppàtùppù, molopai tok yàulàmappù tok uya tok uselupa tu'ma Jesus yesek yau tukaik. Molopai tok nonkappù tok uya.

Yeunossak kon Wotokoyi 8:1

Saul wechippù màlà mùkyamlo Stephen wànà pàk iwàtàk tawonnan kùlottau. Màlà wei yattai àsà talumattàntok wepyattàppù sochi tawon kon Jerusalem po winàkàik. Tamù'nawàlà ailon tawonnan wetta'nùsak wechippù màlà pata Judea molopai Samaria tawon yawàlà, tùse yeunossak kon neken wechippù Jerusalem po.

2 Timothy 3:8

Walawotichi yamùk Jannes molopai Jambres tawonnan uya Moses wakkàtùppù kasa, pùsamlo uya ailon wakkàtù màlà, àli pe tùusenumenka kon winà molopai ailon te tùuya'nokon ailon pen pàk winà.

2 Timothy 4:15

Elannek pe ekkà ipàk, masapùla àsà pe iwechi màlà kùnekama Wakù Itekale winàkàik.