Matthew 22:8 - Patamuna New Testament Revised

⁸ Màlàyau tapyoto ton kà'mappù ya màlà. ‘Wemali'mantok yattai uta'lettàntok wekonekasak man, tùse kappon yamùk unkà'massan wechippù tùuyàssan yek pe pùla.

Matthew 22:8 ပူးပေါင်းရင်းမြစ်များ

Matthew 22:7

Kin we'naikasak kulu wechippù màlà, molopai tùsoichayi yamùk yeunokoppù ya tok wànnannùssan wàse, molopai tok pata pottàse.

Matthew 22:9

Itàtàk kon, eke ton asanta tak. Molopai uta'lettàntok yak tukke là kappon yamùk enepoloppù kon mùkà'matàik,’ teppù ya.

Matthew 9:15

Jesus uya yeikuppù, “Tùwemali'masan nùkà'massan uta'lettàtok wechi ken na' pokoi pe ema'non tayappù woton wechi molo tùpyau'nokon tùse pe mekamayataù? Kane! Tùse pata weyu uyàpù màlà tok winàpai tùwemali'masen kàyik mokkatok yattai, molopai nen uchi tok wechi màlà tùuta'lettàik pùla.

Luke 21:36

Enpen ettàk kon molopai àpùlematàk kon tàwàlà, meluntà pe ewechi kon pa sàlà yamùk wekkupù yawàlà àutà kon yau, molopai Kàyik Mumu yemloto po àwà'mùssakka kon pa,” teppù Jesus uya.

Yeunossak kon Wotokoyi 13:46

Tùse Paul molopai Barnabas uselupappù màlà yentak meluntà pe tùusenalippaik pùla. “Iche kulu we'nàtoppe iwechippù màlà Katù Maimu usekama àpàkù'nokon wapiya. Tùse inulunpasak auya'nokon pàk, molopai tàwàlàlà wema'nàtok yeponnan yeppe ewekkupù kon pùla iwechi pàk, ina uya ànàmà kon sàlà, molopai ina utà sàlà Jew yamùk pen piyak.

2 Thessalonians 1:5

Sàlàichi màlà ikasa Katù uya ittuntok wechi yekamanài. Itepeppù màlà, àkoneka kon ya wakù pe itepulu pe tùwettok yau tùwessan pe ewechi kon pa, màlà iponaloppe mettalumattàyatài'nùk.

Revelation 22:14

Tùutauchinpasan mùkyamlo tùpon kon kukannan wakù pe, wema'nàtok yek yepelu nattoppe tùuya'nokon, molopai tok wewomù màlà manatta yai pata yak.

Revelation 3:4

Tùse tukkan kon pen Sardis pon kon uya tùpon kon kussak man wakù pe. Upokon pe tok usalà màlà, tùwepontàse aimu'nan yak, masapùla ikasa tùwessan yek pe tok wechi màlà.