Matthew 22:24 - Patamuna New Testament Revised

²⁴ “Enupanài, Moses uya nen kappon yamùk yenupàppù, Kàyik welichak imunkà pùla echii'ma yau, yakon wechi tùlùi noppù lùppù yak màlà, tok uya mule yamùk yepotoppe iwelichak lùppù munkà pe,” tukaik.

Matthew 22:24 ပူးပေါင်းရင်းမြစ်များ

Matthew 22:16

Màlàyau ta'lon kon tonpa yamùk molopai Herod tonpa yamùk yeunokoppù tok uya Jesus piyak. “Enupanài, ina nùttuyan wakù pe ewechi. Kappon yamùk ponalok ailon, Katù yeselu pàk enupanài àmàlà, yà'là tukaik kappon yamùk usenumenka pàk tùutaimelunpaik pùla, masapùla tamù'nawolon kon kappon yamùk mùkyamlo ekaichalon kon eyenu yau.

Matthew 22:25

Molo iwechippù màlà 7 pan kon echilunan kàyik yamùk talà iwemassak kon nùssan. Wapiyalok wemali'mappù màlà, molopai iwelikùppù imunkà pùla, màlàpàk tùnoppù lùppù nàmàppù ya takon noppù pe.

Matthew 22:36

“Enupanài, i'nai ken màlà eke kulu suwa ekkà tetok, Law yawon?” tukaik.

Matthew 7:21

“Tamù'nawolon kon kulu kappon yamùk uyesa'nàinan, ‘Uyepulu, Uyepulu,’ tukaik, wewomù pen màlà Itepulu pe we'nàtok epùn po yak, tùse mùkyamlo neken Ukàipùnù epùn pon wettok ikupù iche ku'nàinan.

Mark 12:19

Tok uya Jesus pàk, “Enupanài, Moses uya sàlà enupantok menukappù man ina ponaloppe. ‘Kàyik welikù tùnoppù tùnànse tùmunkà ke pùla yau, mùkkàlà kàyik yakon uya màlà inoppù lùppù yanùmù tùnoppù pe mule yamùk yepotoppe tùuya'nokon mùkàlà iwelichak lùppù munkà pe,’ tukaik,” teppù.

Luke 20:28

“Enupanài, Moses uya màlà sàlà menukappù ina ponaloppe. ‘Kàyik welichak molopai tùnoppù nànsak ya imunkà pùla yau, mùkkàlà kàyik yakonùppù uya màlà tùlui noppù lùppù mali'ma, mule yamùk yepotoppe tùuya iwelichak lùppù munkà pe,’ tawon,” teppù tok uya.

Luke 20:33

Iwelichak kon wuluukasak yattai ken ànùk noppù pe nen uchi iwechi? 7 pan kon uya imali'mapàssak tùse!” tukaik.

Luke 6:46

“Yà'là pe ken uchi iwechi pàk uyesatù auya'nokon màlà, ‘Uyepulu, Uyepulu,’ tukaik unekamappù àpàkù'nokon kupùi'ma pùla?