Matthew 22:19 - Patamuna New Testament Revised

¹⁹ Pùlayatta pun yenpoikatàk kon uyemyak pata ye'matok ike!” teppù Jesus uya. Tok uya pùlayatta pun nepùppù itemyak.

Matthew 22:19 ပူးပေါင်းရင်းမြစ်များ

Matthew 17:25

“Ewaik, itùnài mùkkàlà” tukaik yeikuppù ya. Peter wewonsak tapùi tak yau, Jesus uselupappù màlà wapiya, “Simon, yà'là kasa mesenumenkayan sàlà pàk? Ànùkyan winàpai ken pùlayatta yekkwa'nàinan sàlà non pon kon kappon yamùk kinù? Tùmu kon yamùk ka'lù, wapùla tùulon kon?” tukaik.

Matthew 18:28

“Kàyik utàppù màlà molopai tùtonpa apyoto yepoloppù ya, tùwomanàippù tukke pùla là pùlayatta. Yachippù ya molopai i'mùtumlukuppù ya. ‘Uwomatok auya ye'makà!’ teppù ya ipàk.

Matthew 20:2

Tùwe'wotokomasan ye'matok tùuya konekappù ya màlà tok pokonpe, tewin chilùpa pun iwessek kasa là. Molopai tok yeunokoppù ya e'wotokomase tù'mà yak.

Matthew 22:18

Jesus uya àli kupù pàk tok wekkupù ittuppù. Màlàpàk, “Tùusennakasan amyamlo! Yà'là peichi iwechi pàk uyittuiche ewechi kon màlà?

Matthew 22:20

Molopai tok yekamappoppù ya, “Ànùk yenpata molopai ànùk yesek ken sàlà yamùk?” tukaik.

Mark 12:16

Màlàpàk tok uya pùlayatta pun nepùppù. “Ànùk yenpata ken sà, molopai ànùk yesek ken uchi sà?” tukaik tok yekamappoppù ya.Tok uya, “Pata yesak, Rome pon,” teppù ipàk.

Revelation 6:6

Mayin uyàpù yetappù uya asakùlà'nan kon nulànan kon ànùkyan nànan winàpai kasa. Màlàyau mayin uya, “Tewinan pùsau paali, àlichi walai wechi màlà tewin wei we'wotokomantok yepeppù pe, molopai àsolùwawon pùsau paali walai wheat, wechi màlà tewin wei we'wotokomantok yepeppù pe. Tùse olive yek molopai chi'nak grape yek kù'mattanùpùi,” teppù.