Matthew 21:31 - Patamuna New Testament Revised

³¹ I'nai uya ken tùkàipùnù wettok iche kupùppù nai?” teppù Jesus uya. “Wapiyalok uya,” tukaik tok uya yeikuppù. “Ailon kulu sàlà, pùlayatta pili'nàinan molopai kàyik yamùk yemyak tùwechilanmasan utà màlà Katù patassek yak awapiya'nokon.

Matthew 21:31 ပူးပေါင်းရင်းမြစ်များ

Matthew 12:50

Masapùla Ukàipùnù wettok ikupù tùuya iche ku'nài mùkkàlà uyakon, uwàlichi, molopai usan,” teppù Jesus uya.

Matthew 18:3

Molopai, “Ailon kulu sàlà, ewemyakanmasak kon molopai mule yamùk kasa ewenasak kon pùla iwechi yau, ewewomù itepulu pe we'nàtok epùn po yak pen màlà.

Matthew 20:16

“Màlàpàk mùkyamlo àkàmlà'nokon wechi màlà wapiya, molopai mùkyamlo wapiyalok kon wechi màlà àkàmlàk,” teppù Jesus uya.

Matthew 21:30

Màlàyau ikàipùnù utàppù yakon piyak, molopai watetukkappù ya. ‘Ewaik, ukàipùnù utà màlà,’ tukaik yeikuppù ya, tùse iitàppù pen màlà.

Matthew 5:18

Ailon kulu sàlà, kak molopai non utama ponalà màlà malalon nùkkwà là Law yawon yenu'ma pen tamù'nawolon wenukapù ponalà.

Matthew 5:46

À'nùnman nan pùnùnma auya'nokon yau, yà'là ken eyepeppù yepolo auya'nokon? Pùlayatta pili'nàinan nà mùkyamlo iku'nàinan màlà kasa!

Matthew 6:5

“Àwàpùlema kon yau, kappon yamùk uya eyene kon iche kettàu, tùusennakasan kasa! Àpùlemapai nokon mùkyamlo satippe Jew yamùk wepilittok itak tau, molopai asanta yena po. Sàlà ku'nàinan mùkyamlo tamù'nawolon kon uya tentok kon pe. Ailon kulu sàlà, tok uya màlà tamù'nawàlà tepeppù kon yepokasak.

Matthew 7:21

“Tamù'nawolon kon kulu kappon yamùk uyesa'nàinan, ‘Uyepulu, Uyepulu,’ tukaik, wewomù pen màlà Itepulu pe we'nàtok epùn po yak, tùse mùkyamlo neken Ukàipùnù epùn pon wettok ikupù iche ku'nàinan.

Matthew 9:9

Jesus uya màlà pata nàmàppù, molopai tùutà yau pùlayatta pili'nài Matthew itesek yeneppù ya, tùwe'wotokomatok patassek yau iwechi. “Uya'là àikkà,” teppù ya ipàk. Màlàyau Matthew we'wuluukappù molopai ya'là iitàppù.

Luke 15:10

Màlà kasa làma inchelù yamùk mùkyamlo tùutauchinpasan tewin nan nà àli ku'nài kappon welattàsak àli kuttok tùuya winàpai yau,” teppù Jesus uya.

Luke 19:22

Itepulu uya ipàk wateppù. Àmàlà àli apyoto! Amaimu là yapulà uya màlà, atalumattà toppe uya. Mùttuyaik sa'man pe wechi, uponalok pen yanùnnài pe, molopai unpàmàppù pen mokkanài pe wechi.

Luke 7:29

Tamù'nawolon kon kappon yamùk molopai pùlayatta pili'nài nan uya yetappù màlà. Mùkyamlo uya Katù yeselu wechi ikasa ittuppù John nenpataukassan pe tùwechi kon pàk.

John 3:3

“Ailon kulu sàlà, tùwentutu'maik pùla echii'ma ànù'là uya Katù wettok itepulu yene pen màlà,” teppù Jesus uya.

John 3:5

Jesus uya imaimu yeikuppù, “Ailon kulu sàlà, ànù'là tuna yai, molopai Wakù Akkwalù yai iwentusak pen wewomù Katù wettok itepulu pe yak pen màlà teuya sàlà.

Yeunossak kon Wotokoyi 17:30

Pena Katù uya màlà yenpàtùppù kappon yamùk uya ittu pùla iwechi yattai, tùse sàlà pe Katù uya tamù'nawolon kon kappon yamùk mailon kon nà là, welattàtoppe àli teselu kon winàpai yekamasak man.

Romans 3:19

Sàlà pe ittu'nokon man tamù'nawolon Law yau nai'nùk wechi, mùkyamlo yawàlà nemassai'nannùk ponaloppe. Tamù'nawolon kappon we'waputtàtok kon yeleutanùttoppe molopai tamù'nawàlà wolù yawon kon kappon yamùk nettoppe Katù uya ittuntok yak.

Romans 5:20

Law tùlùppù màlà iwalai pen kuttok wekattoppe. Tùse àli kuttok wekassak yau, Katù wettok wakù pe wekatù màlà eke peiwa kulu.

2 Peter 3:9

Itepulu mùkkàlà ikupù tùuya teppù tùuya lùppù ko'mankanài tachinpe pen, tùulon kon usenumenka ipàk kasa. Tùse làkku àpàlikanài'nokon mùkkàlà molopai tùusetakkasen pen àpàkù'nokon masapùla ànù'là wettalumattà iche pùla tùwechi pàk, tùse tamù'nawolon kon welattà makui winàpai iche tùwechi pàk.