Matthew 21:15 - Patamuna New Testament Revised

¹⁵ Eke ton paatele yamùk yepulu molopai Law pàk enupannan we'naikappù màlà, wakù ton kupù ya yensak tùuya'nokon yau, molopai mule yamùk wentaimepàtù Katù yùwùk tau, “David Mumu yapulàtàk!” tukaik pàk.

Matthew 21:15 ပူးပေါင်းရင်းမြစ်များ

Matthew 20:24

Tùulon kon 10 pan kon Jesus nenupaton uya sàlà yetasak yau, tok we'naikappù asa'lon kon echilunan pàk.

Matthew 21:23

Jesus wennappoppù màlà Katù yùwùk tak. Molopai kappon yamùk yenupa ya tùse, eke ton paatele yamùk yepulu molopai Jew yamùk yesak ton uyàpùppù Jesus piyak molopai tok uya yekamappoppù, “Yà'là yekkwa ken apàikkek yesak àmàlà sàlà yamùk kupù pa? Ànùk ken elepatai sàlà apàikkek ke?” tukaik.

Matthew 21:9

Tukkan kon kappon yamùk Jesus wapiya, molopai ite'mappù pàk tùutàssan wessa'molùkappù màlà tùwentaime kon pàk, “David Mumu yapulàtàk kon! Mùkkàlà nùyàssai'nùk Itepulu yesek yau yapulà tàk! Katù yapulà tàk!” tukaik.

Matthew 22:42

“Yà'là tukaik ken tùusenumenkasan amyamlo Christ pàk? Ànùk pa ken mùkkàlà?” tukaik. “David pa nen mùkkàlà,” tukaik tok uya yeikuppù.

Matthew 26:3

Màlàyau eke ton paatele yamùk molopai tùnamasan eke ton Jew yamùk wessepoloppù màlà tamùkke Caiaphas Eke kulu paatele patassek yak.

Matthew 26:59

Paatele yamùk molopai tamù'nawàlà eke ton wechippù iwalai pen yepoloiche Jesus winàkàik, iwàtoppe.

Matthew 27:1

Ko'làma kulu tamù'nawolon kon paatele yamùk molopai tùnamasan Jew yamùk uya yà'là pe là Jesus kuttok tùuya'nokon konekappù, iwàtoppe.

Matthew 27:20

Eke ton paatele yamùk molopai eke ton tùnamasan uya tukkan kon kappon yamùk yelupappù màlà Pilate pawanattàtoppe tok uya Barabbas nonkatoppe ya molopai Jesus tùtoppe ya iwelittoppe.

Matthew 9:27

Jesus uya màlà pata nàmàppù màlà, molopai iità tùse asa'lon kon enpùnon kàyik yamùk uya iwenaimappù, “Ina pàk esentuppakà David Mumu!” tukaik tok wentaimeppù.

Mark 11:18

Eke ton paatele yamùk molopai Law pàk enupannan uya yetappù. Màlàyau iwàtok tùuya'nokon iwinà woton ituiche tok wechippù. Tok usenalippappù ipàk masapùla tukkan kappon yamùk yenumenkasak wakù pe enupantok ya uya pàk.

Luke 20:1

Tewin wei yattai Jesus wechi Katù yùwùk tau kappon yamùk yenupa pàk molopai Wakù Itekale yekama pàk tùse paatele yamùk yepulu ton, Law pàk enupannan, molopai tùnamasan kàyik yamùk tawonnan uyàpùppù màlà ipyak,

Luke 22:2

paatele yamùk yepulu ton molopai Law pàk enupannan yamùk wechippù màlà yà'là kasa là Jesus wàtok tùuya'nokon ittuiche, masapùla tok usenalipappù màlà kappon yamùk pàk.

Luke 22:66

Iwemassak yau, eke ton tùnamasan Jew yamùk, paatele yamùk yepulu ton, molopai Law pàk enupannan tawonnan wepilipùppù, molopai Jesus nepùppù màlà pùsamlo itepulu yamùk yemlotopona.

John 11:57

Paatele yamùk yennài nan molopai Pharisee yamùk uya “Ànù'là, Jesus wechi i'nailàlà ittunài uyàpù màlà ina pàk yekamaik, ina uya yachi toppe,” teppù.

John 12:19

Pharisee yamùk uya tùtonpa kon pàk, “Masa yenkà, ikupù'nokon pe pùla kulu man, Masa yentàk kon! Tamù'nawàlà wolù yawon kon utàkassak ya'là!” teppù.

John 4:1

Pharisee yamùk uya, “Jesus, John yentai tùnenupa ton yepoyan molopai tok yenpataukayan,” te yetappù.

John 7:42

“Katù Maimu uya na' yekamasak pùla nai, David payan winà Christ uyàttok woton, David wemattok yau pata Bethlehem yapai tukaik?” teppù tok uya.