Matthew 20:4 - Patamuna New Testament Revised

⁴ Màlàpàk tok pàk, ‘Amyamlo nàlà itàtàk kon e'wotokomase u'mà yak, molopai eye'ma kon uya màlà ikasa,’ teppù ya.

Matthew 20:4 ပူးပေါင်းရင်းမြစ်များ

Matthew 20:3

Iitàppù tu'ma màlà makitti pàk tok wessek yak, wei wenussak tùse molo kàyik yamùk wechi satippe yà'là pàk pùla yeneppù ya.

Matthew 20:5

Màlàpàk tok utàppù. Molopai nàlà inakattapailà wei wechi tùse, molopai wei wetteilettàsak pe tu'ma màlà lùppù kupùppù ya.

Matthew 9:9

Jesus uya màlà pata nàmàppù, molopai tùutà yau pùlayatta pili'nài Matthew itesek yeneppù ya, tùwe'wotokomatok patassek yau iwechi. “Uya'là àikkà,” teppù ya ipàk. Màlàyau Matthew we'wuluukappù molopai ya'là iitàppù.

1 Corinthians 6:11

Molopai tùulon kon amyamlo wechippù màlà wa. Tùse àkukasak kon màlà, àtùsak kon màlà Katù yemyak. Ikasa ayanùnsak kon màlà Katù pokonpe Kùyepulu kon Jesus Christ yesek yai molopai kùkatùyi winàpaino Wakù Akkwalù winà.

Colossians 4:1

Tapyoto kenan kon, ayapyoto kon mentàik, wakù pe ikasa inkupùppù yawàlà mùlepatàik. Amyamlo nàlà wechi epùn pon Itepulu ponaloppe tùttuse.

Titus 3:8

Sàlà màlà ailon kulu uselupantok. Sàlà yamùk pàk meluntà peiwa euselupa iche wessaik, mùkyamlo Katù pàk ailon tawonnan wettoppe tùweyu kon tùnàinan pe wakù wotoko kuttok yak. Sàlà yamùk màlà wakù, kappon yamùk napulà pe iwechi.

1 Peter 1:13

Màlàpàk uchi eusenumenkatok kon tùwekonekaik nechiik. Elanneppe kulu ettàk kon, molopai enpen ewettok kon ittùtàk kon tamù'nawàlà wakù Katù winàpaino pàk elepatok ike woton Jesus Christ usenpoikasak yau.