Matthew 20:34 - Patamuna New Testament Revised

³⁴ Jesus usentuppappù tok pàk molopai tok yenu yappàtùppù ya. Màlà yattai là tok uya pata yeneppù, molopai tok utàppù Jesus ya'là.

Matthew 20:34 ပူးပေါင်းရင်းမြစ်များ

Matthew 14:14

Jesus wepalùkappù màlà kanau yapai, tukkan kon kappon yamùk yensak tùuya yau ichentuppappù tok pàk, molopai tok ye'netù ipittàppù ya.

Matthew 15:32

Jesus uya màlà ta'lon kon kà'mappù tùpyak molopai, “Usentuppayaik pùsamlo kappon yamùk pàk, masapùla upyau tok wessak man àsolùwau wei molopai tok nùnapù woton pùla man. Molopai tok tewesse pùla tok eneunoppai pùla wessaik, masapùla nen yattai pùla tok wenpulumanpàtù te'ma kon tau,” teppù ya.

Matthew 20:33

“Ina yepulu, ina yenu yakkoka auya iche ina man!” teppù tok uya.

Matthew 21:1

Jerusalem winàkàik tùuyàpù kon pe, Jesus molopai ya'lon kon uyàpùppù màlà Bethphage Olives Tùpù motawon pata motak. Molo Jesus uya asa'là ta'lon kon yeunokoppù wapiya.

Matthew 8:15

Jesus uya itemyatù yappàtùppù màlà, màlàyau iwàkkàmi'makapùppù. Molopai iwe'wuluukappù, tok yeipa konekappù ya.

Matthew 9:29

Màlàyau Jesus uya tok yenu yappàtùppù molopai tok pàk, “Tàwàichi nekkupùi ailon teppù auya'nokon kasa!” teppù.

Matthew 9:36

Ilinà kappon yamùk yene tùuya yau, Jesus usentuppappù tok pàk, masapùla tok utaimelunpasak molopai ipùikattànài pùla tok wechi pàk, kalinilu yamùk itesak pùnon kasa.

Mark 7:33

Ilinà kappon yamùk kùlottapai Jesus uya yamappù. Asakklàma ipana yeuta yamùk yak temyatù yamùk lùkkwà yemaikappù ya, molopai tetaku tappàsse, yani yappàtùppù ya.

Luke 18:43

Màlà yattai asse'ne yeneppù ya màlà molopai Jesus ya'là iitàppù, tenki te pe Katù pàk. Yensak tùuya'nokon yau, tamù'nawàlà tukkan kon kappon yamùk uya Katù yapulàppù màlà.

Luke 22:51

Tùse Jesus uya, “Eichilàman, tàwà walà nechii!” teppù. Kàyik pana yappàtùppù ya molopai ipittàppù ya.

Luke 7:13

Yensak tùuya yau Jesus usentupappù màlà tewan yapai ipàk. Molopai ipàk “Kakalawùi!” teppù ya.

Yeunossak kon Wotokoyi 26:18

Àmàlà wechi màlà tok yenu yakkokanài pe molopai tok lattànài pe ewalupà winàpai akkwa winàkàik, molopai Settan meluntàlù winàpai Katù winàkàik, ailon tetok tùuya'nokon uyau yai tok uya usentuppantok tùmakuyi kon pàk yepotoppe molopai wakù ton yepotoppe tok uya Katù nanùmùssan kùlottau,’ teppù Jesus uya upàk,” teppù Paul uya tok pàk.

Hebrews 2:17

Màlà kasa iwechi pàk màlà Jesus kupùppù tamù'nawolon yau itonpa yamùk ikàipùnù munkà yamùk kasa, tùusentuppasen pe molopai ailon kulu eke paatele pe iwettoppe Katù wotokoyi yau molopai tok makuyi pàk Katù usentuppatoppe.

1 Peter 3:8

Màlàyau sàlà yekama uya àpàkù'nokon: tamù'nawàlà tewin usenumenkantok yesappe mettàik molopai ekkaichalà usentupantok tùulon kon pàk; ànù'là kappon i'nùnmatàk kon àtonpa kon kulu pùnùnma auya'nokon kàsa, molopai tùusentuppasen pe ettàk kon molopai àsà'mùla, àsà pe pùla ànù'là kappon pokonpe.