Matthew 20:31 - Patamuna New Testament Revised

³¹ Tukkan kon kappon yamùk uya tok yàulàmappù, “Eppana ettàk kon!” teppù tok uya. Tùse eke peiwa tok wentaimeppù, “David Mumu! Ina pàk tàwà esentuppakà, ina yepulu!” tukaik.

Matthew 20:31 ပူးပေါင်းရင်းမြစ်များ

Matthew 15:23

Tùse Jesus uya yà'là teppù ipàk pen màlà. Ya'lon kon uyàpùppù ipyak molopai ipawanattàppù tok uya, “Yeunokà! Kùwenaimayan molopai eke pe nentaimepàssan!” tukaik.

Matthew 19:13

Tùulon kon kappon yamùk uya mule yamùk nepùppù màlà Jesus piyak temyatù tùtoppe ya tok pona molopai iwàpùlematoppe, tùse ya'lon kon uya kappon yamùk yàulàmappù.

Matthew 20:30

Asa'lon kon enpùnon kàyik yamùk, chichiu pe tùwessan asanta yenapo uya Jesus uya pata yentaka yetappù màlà, màlàpàk tok wessamolùkappù tùwentaime kon pàk, “David Mumu! Ina pàk tàwà esentuppakà, ina yepulu!” tukaik.

Matthew 20:32

Jesus weleutappù molopai tok kà'mappù ya. “Yà'là kupù uya iche messatàu àponalok kon pe?” tukaik tok yekamappoppù ya.

Matthew 9:27

Jesus uya màlà pata nàmàppù màlà, molopai iità tùse asa'lon kon enpùnon kàyik yamùk uya iwenaimappù, “Ina pàk esentuppakà David Mumu!” tukaik tok wentaimeppù.

Luke 18:39

Kappon yamùk itemloto pon kon uya yàulàmappù, “Eppana ekkà,” teppù tok uya ipàk. Tùse iwentaimeppù eke peiwa nen uchi, “David Mumu! Upàk tàwà esentuppakà!” tukaik.

Colossians 4:2

Màpùlematàik tàwàlàlà. Enpen mettàik àwàpùlema kon yau, tenki teima Katù pàk.

1 Thessalonians 5:17

Tùwàpùlemaik mettàik tàwàlàlà.