Matthew 19:3 - Patamuna New Testament Revised

³ Pharisee yamùk tonpa yamùk uyàpùppù màlà Jesus piyak ittuse, tok uya yekamappoppù, “Enupantok yawàlà na' màlà kàyik uya tùnoppù nonka yà'làlà wenai wechi?” tukaik.

Matthew 19:3 ပူးပေါင်းရင်းမြစ်များ

Matthew 16:1

Pharisee yamùk molopai Sadducee yamùk uyàpùppù màlà Jesus piyak. Tok wechippù màlà ittuiche, màlàpàk tok uya eke ton tùwekkussen yek pen kuttoppe ya yekamappoppù epùn poino pe tùwechi yekamanài pe.

Matthew 22:35

Molopai tok tonpa, law pàk iichenupasak wechippù ittuiche ekamappontok ke.

Mark 10:2

Pharisee yamùk tonpa yamùk uyàpùppù ipyak yekamappopàsse ittuiche, “Masa ina pàk yekamakà, yà'là tawon ken Moses winàpaino kàyik uya tùnoppù nonka pàk?” tukaik.

Mark 12:13

Pharisee tonpa yamùk molopai Herod ya'lon kon yeunossak tok uya wechippù Jesus piyak, ichelupa winà yachitoppe tùuya'nokon yekamappopàsse.

Mark 12:15

Tùse tok usennaka itui'ma tok pàk, “Yà'là peichi iwechi pàk uyachiiche ewechi kon màlà? Pùlayatta pun inettàk kon yentoppe uya,” teppù ya tukka tok pàk.

John 8:6

Wa tok uya yekamappoppù màlà yachitok tùuya'nokon iwinà pe, italumattàtok tùuya'nokon ipàkàlà pe. Tùse Jesus wepeimappù molopai non menukappù ya temyatù ke.

1 Corinthians 7:10

Iwemali'masak kon ponaloppe sàlà elupantok tùtùyaik, uwinàpaino pen, tùse Itepulu winàpaino, tùtayappù kenan uya tùtayappù nonka pen màlà.

Hebrews 3:9

‘Atamo kon uya uyittuppù molopai pàlikantok uya ittuppù tok uya màlà motau. Màlà unkupùppù 40 pe kilichimochi yene tùpo lànen,’