Matthew 19:27 - Patamuna New Testament Revised

²⁷ Màlàyau Peter uya, “Masa yenkà ina uya tamù'nawolon nànsak man molopai aya'là ina man. Yà'là yepolo ken uchi ina uya?” teppù.

Matthew 19:27 ပူးပေါင်းရင်းမြစ်များ

Matthew 19:26

Jesus uya tok yeneppù, molopai tok yeikuppù ya, “Sàlà màlà iwekkupù yentaino kappon yamùk pona, tùse tamù'nawolon màlà Katù nùkupù,” tukaik.

Matthew 19:28

Jesus uya tok pàk, “Ailon kulu sàlà, Kàyik Mumu wechi chichiu pe wakù tapon po emennak pata weyu yattai yau, amyamlo 12 pan kon unenupassan wechi nàlà màlà chichiu pe aponnok yamùk po, 12 pan kon Israel mumu yamùk munkà yamùk ittutoppe auya'nokon.

Matthew 9:9

Jesus uya màlà pata nàmàppù, molopai tùutà yau pùlayatta pili'nài Matthew itesek yeneppù ya, tùwe'wotokomatok patassek yau iwechi. “Uya'là àikkà,” teppù ya ipàk. Màlàyau Matthew we'wuluukappù molopai ya'là iitàppù.

Mark 10:28

Màlà yattai Peter uselupappù, “Masa yenkà tamù'nawolon nànsak ina uya molopai aya'là ina uyàssak,” tukaik.

Mark 2:14

Tùutà yau, Levi, yeneppù ya, Alphaeus mumu. Chichiupe tùwotokoyi kupù pàk pùlayatta yekwatù pàk iwechippù. “Uya'là utànpai,” teppù Jesus uya ipàk. Màlàyau iwe'wuluukappù ya'là iitàppù.

Luke 14:33

Màlà kasa làma ànù'là tamù'nawolon itesak pe tùwettok nonkasak ya pùla nai'nùk wechi unenupa pe pen màlà,” teppù Jesus uya.

Luke 15:29

‘Masa yenkà, tàwàlà là tukke kilichimochi we'wotokomasak man àponalok pe apyoto kasa, molopai tewin itekkwa là amaimu yawàlà pùla wessak pùla man. Tuse kapala mule ke lùkkwà là ulepasak auya pùla man utonpa yamùk pokonpe uta'lettà toppe,’ tukaik tùkàipùnù maimu yeikuppù ya.

Luke 18:28

Màlàyau Peter uya, “Masa yenkà! Ina uya tùpata kon nànsa'man, aya'là tùwettok kon pe,” teppù.

Luke 5:11

Tok uya kanau yamùk pàlàkappù tuna yena pona, molopai tamù'nawolon nàmàppù tok uya molopai Jesus ya'là tok utàppù.

1 Corinthians 1:29

Sàlà uya tewinannà kappon utapulà pùla iwechi Katù yemloto po yekama màlà.

1 Corinthians 4:7

Masapùla ànùk ken tùpatalà, tùulon kon yentai ewechi kon pa àkuttantàu? Yà'là ken molo nai itesappe ewettok kon enepoloppù kon pen? Molopai yepolo tùpo yà'là pe iwechi pàk autapulà kon màlà yeponàippù pen kasa.

Philippians 3:8

Yà'làlà wakù, Christ Jesus Uyepulu tùttuyai'nùk walai pùn. Tamù'nawolon nonkasak uya sàlà. Molopai tenu'masen àlitta kasa ikupù uya, Christ neken nen uchi iche wechi.