Matthew 19:20 - Patamuna New Testament Revised

²⁰ “Tamù'nawolon sàlà yamùk enupantok maimu yawàlà wessak man. Yà'là tu'ma ken uchi kupù uya?” tukaik umoine uya yeikuppù.

Matthew 19:20 ပူးပေါင်းရင်းမြစ်များ

Matthew 19:19

Àkàipùnù molopai asan tawonnan inamakà. Molopai ayakontalù i'nùnmakà eyiwalà euchi'nùnma kasa tawon,” tukaik.

Matthew 19:21

Jesus uya ipàk, “Wakù pe, ikasa kulu eppai ewechi yau, itàkà molopai tamù'nawolon itesappe ewettok ichilanmata, molopai entuppa'nokon mùlepaik molopai nen uchi mamin yamùk yesappe ewechi màlà epùn po. Molopai uya'là àikkà,” teppù.

Luke 15:29

‘Masa yenkà, tàwàlà là tukke kilichimochi we'wotokomasak man àponalok pe apyoto kasa, molopai tewin itekkwa là amaimu yawàlà pùla wessak pùla man. Tuse kapala mule ke lùkkwà là ulepasak auya pùla man utonpa yamùk pokonpe uta'lettà toppe,’ tukaik tùkàipùnù maimu yeikuppù ya.

Luke 15:7

Màlà kasa làma màlà eke pe utauchinpantok wechi màlà Epùn po, tewin nà tùmakuyi yawon welattàsak àli kuttok tùuya winàpai yau, 99 pan kon ikasa kulu tùwessan kappon yamùk pàk utauchinpan yentai, tukaik tekamayaik àpàkù'nokon,” teppù Jesus uya.

John 8:7

Tok uya lùppù tekamappopàtù yau iwà'mùssakkappù, “Tàwà ànù'là imakuyi pùn wapiya kulu tàk yenu'mai ipona,” teppù ya tok pàk.

Romans 7:9

Nulà wechippù màlà pena Law ittu uya pùla iwechi yau. Tùse iyàssak yau makui wennappù molopai welikùppù.

Galatians 3:24

Màlàpàk Law wechippù màlà kùyesak kon pe, kùyenupanài'nokon pe Christ uyàpù ponalà, ikasa anùnnàtoppe Katù pokonpe ailon tetok yai.

Philippians 3:6

Law yawàlà kulu eppai wechippù màlà. Màlàyau ailon tawonnan Christ pàk talumattàppù uya màlà eke pe kulu. Tamù'nawolon Law kupùppù uya, màlàpàk iwalai pen pùla wechippù.