Matthew 17:3 - Patamuna New Testament Revised

³ Molopai nen uchi àsolùwawon kon Jesus ya'lon kon uya Moses molopai Elijah tawonnan uselupa Jesus pokonpe yeneppù.

Matthew 17:3 ပူးပေါင်းရင်းမြစ်များ

Matthew 17:2

Tok uya yene tùse, Jesus wemyakanmappù. Itenpata wenappù màlà akkwa pe wei kasa. Molopai ipon wenappù aimu'ne akkwa pe.

Matthew 17:4

Màlàyau Peter uya Jesus pàk, “Uyepulu, wakù pe nen talà we'nà'nokon man. Iche ewechi yau, talà àsolùwau tapùi koneka uya, tewin àwùppe, tewin Moses yùwùppe, molopai tewin Elijah yùwùppe tukaik,” teppù.

Mark 9:4

Màlà motau Elijah molopai Moses tawonnan usenpoikappù molopai tok uselupa Jesus pokonpe yeneppù tok uya.

Luke 1:17

Katù yekale yekamanài pe iità màlà iwapiya, meluntà pe molopai apàikkek pe Katù Maimu yekamanài Elijah kasa. Papai yamùk molopai imunkà yamùk mùnappo ya màlà echippyak. Katù Maimu yawolon kon pen lattà ya màlà wakù iwalai pàk neken usenumenkantok yak. Itepulu ponalok kon kappon yamùk kupù ya màlà tok wekoneka toppe iponalok pe,” teppù ya.

Luke 16:16

“ Law molopai Katù Maimu yenpoikannan nùmenukappù lùssan wechippù màlà tapulàsan pe John Enapataukanài wessepolo ponalà. Màlà motapai nen uchi Wakù Itekale Katù wettok itepulu pe yekama man, molopai tamù'nawolon kon nettùyan Katù yemyak tùuseka'nonkaik.

Luke 24:27

Molopai Jesus uya tok pàk tamù'nawàlà Katù Maimu uselupasak tùpàk lùppù yekamappù màlà tok pàk, iweppyattàppù màlà Moses kaletayi yamùk motapai molopai tamù'nawàlà Katù Maimu yenpoikannan nùmenukappù pùkkù yak.

Luke 24:44

Màlàyau tok pàk, “Sàlà yamùk uchi màlà àpàkù'nokon unekamappù apyau'nokon nùppù wechi yattai, tamù'nawolon imenukasak lùppù upàk Law Moses winàpaino yawon, molopai Katù Maimu yenpoikannan nùmenukappù yawon, molopai Psalms kaletayi yawon tawonnan wekkupùppù màlà ailon pe,” teppù Jesus uya.

Luke 9:33

Kàyik yamùk uya Jesus nàmà tùse, Peter uya Jesus pàk, “Enupanài, wakù pe man talà we'nà'nokon. Àsolùwau tapùi yamùpai'nokon man, tewin àponalok pe, tewin Moses ponaloppe, molopai tewin Elijah ponaloppe,” teppù. Yà'là te kulu là tùuya ittuppù ya pen màlà.

John 1:17

Katù uya Law tùlùppù màlà Moses yai, tùse wakù pe iwettok molopai ailon uyàpùppù màlà Jesus Christ yai.