Matthew 16:27 - Patamuna New Testament Revised

²⁷ Masapùla Kàyik Mumu uyàpù màlà tùkàipùnù yakkwayi molopai yapulàtok yau tùyinchelùyi yamùk pokonpe, molopai nen uchi tamù'nawolon kon ye'ma ya màlà tok nùkupùppù yawàlà.

Matthew 16:27 ပူးပေါင်းရင်းမြစ်များ

Matthew 13:41

Kàyik Mumu uya tùyinchelùyi yamùk yeunoko màlà, molopai tok uya itepulu pe iwettok yapai tamù'nawolon kon kappon yamùk wemakuimatoppe tok ku'nài nan pilipù màlà, molopai tamù'nawolon kon àli ku'nài nan.

Matthew 13:49

Sàlà kasaichi iwechi màlà pata weyu wenukattok yattai. Inchelù yamùk utà màlà molopai àli ku'nàinan kappon yamùk menka tok uya wakù ton kùlottapai.

Matthew 24:30

Màlàyau nen uchi Kàyik Mumu yentok ipàkàlà woton usenpoika màlà kak yau. Màlàyau nen uchi tamù'nawolon kon kappon yamùk non pon kon kalawù màlà. Kàyik Mumu uyàpù katuppluk po epùn poi, meluntà pe molopai eke pe akkwa pokonpe yene tok uya màlà.

Matthew 25:31

“Kàyik Mumu uyàssak tapulàtok yau tùyinchelùyi yamùk pokonpe yau, chichiu pe iwechi màlà akkwa wakù tapon po.

Matthew 26:64

Jesus uya yeikuppù, “Wa mùkayatàik làkku tà. Tùse tekamayaik àpàkù'nokon, sàlà motapai yene auya'nokon màlà Kàyik Mumu wechi chichiu pe apàikeppe tùwessen kamikù pen winà, molopai iyàpù katuppluk po epùn poi!” tukaik.

Matthew 8:20

Jesus uya yeikuppù, “Maikan yamùk mùkyamlo teuta kenan kon, molopai tolon yamùk mùkyamlo tùpon kenan kon, tùse Kàyik Mumu mùkkàlà iwàlàkkattok patassek pùn,” tukaik.

Mark 14:62

Jesus uya imaimu yeikuppù, “Iulà mùkkàlà,” molopai Kàyik Mumu wechi màlà chichiupe yene auya'nokon tùmeluntàlù kenan kamik pen. Tamù'nawàlà Apàikkek winà, molopai iyàpù yene nàlà auya'nokon màlà epùn poi katuppluk yau,” tukaik.

Mark 8:38

Ànù'là upàk tùwekuli'masen molopai umaimu pàk nàlà sàlà pe nai'nannùk àliton kappon yamùk kùlottau, mùkkàlà pàk nàlà, Kàyik Mumu wekuli'ma màlà, tùkàipùnù yakkwayi yau tùuyàpù, wakù ton tùyinchelùyi yamùk pokonpe tùuyàpù yau,” teppù Jesus uya.

Luke 21:27

Màlà yattai nen uchi Kàyik Mumu usenpoika màlà. Iyàpù màlà katuppluk yau meluntà pe molopai tapulàtok yau.

Luke 22:69

Tùse sàlà motapai Kàyik Mumu weleuta màlà tapon pona, kamik pen winà Katù piyau. Katù mùkkàlà tamù'nawolon yau meluntà,” tukaik.

Luke 9:26

Ànù'là kappon wekkuli'masak upàk yau molopai umaimu pàk yau, Kàyik Mumu wekkuli'ma nàlà màlà ipàk tùuyàssak yau, takkwayi, tùkàipùnù yakkwayi, molopai Inchelù yamùk yakkwayi tawon yau yattai.

John 21:22

Jesus uya Peter pàk, “Pàli'yau iwechi uyàpù ponalà iche wechi yau, màlà wechi ken yà'là pe àpona? Kùwenaimakà kulu àmàlà pe,” teppù.

John 21:23

Màlàyau itekale utàppù Jesus nenupa ton tonpa lùssan kùlottau mùkkàlà kulu inenupappù welikù pen, tukaik, tùse Jesus uya, “Iwelikù pen màlà,” teppù pen, tùse, “Pàli'yau iwechi uyàpù ponalà iche wechi yau, yà'là pe ken màlà wechi àpona?” tesak ya pàk neken.

Yeunossak kon Wotokoyi 1:11

“Kàyik yamùk Galilee pon kon, yà'là pe ken iwechi pàk kak yenupàkà ewechi kon màlà? Pùsàlà Jesus Epùn pona yanùmù nepàssai'nùk ewinàpai'nokon, mùkkàlà tùuyà tu'ma woton epùn pona iità menpàssatài'nùk kasa,” teppù tok uya.

Romans 14:12

Màlàpàk uchi tamù'nawolon kon kùmyamlo uya tewinpàk echipàkàlà kùnkupùppù kon yekama màlà Katù pàk.

Romans 2:6

Katù uya tamù'nawolon kon kappon yamùk ye'ma màlà tok nùkupùppù pàkàlà.

1 Corinthians 15:23

Tùse tamù'nawolon kon wechi echipàkàlà, Christ, tamù'nawolon kon wapiyalok, molopai nen uchi iyàpù yattai mùkyamlo iponalok kon.

1 Corinthians 3:13

iwotokoyi lùppù yenpoika màlà i'nai yekkwa pe là iwechi. Masapùla Wei uya inepù màlà akkwa yak. Apok ke yenpoika màlà, molopai apok uya màlà ittu i'nai kasa là tewin pàk kappon wotokoyi lùppù wechi.

1 Corinthians 8:8

Tùse kùyali uya mei pùla Katù piyak kùnepù kon pen màlà. Yà'là kasa là ku'nà uta'letàn nokon pùla iwechi uya pen màlà, wapùla wakù peiwa là we'nà uta'letàn nokon yau pen.

2 Corinthians 5:10

Masapùla tamù'nawolon kon kùmyamlo usenpoika màlà Christ uya ittuntok patassek yemloto pona, tamù'nawolon kon uya tùnepolo kon yepotoppe, wakù wapùla àli, sàlà non po tùwemapù kon yau tok nùkupùppù yawàlà.

Ephesians 6:8

Ittutàk kon uchi Itepulu uya tamù'nawolon kon ye'ma, ànùk yekkwa là apyoto wapùla apyoto pen, wakù wotoko inkupù yepeppù pe.

Colossians 3:25

Molopai iwalai pen ku'nài, ànù'là, ye'ma màlà àli ton inkupù yepeppù pe; masapùla Katù mùkkàlà tamù'nawolon kon ku'nài ekkaichalà.

1 Thessalonians 1:10

Molopai Imu, Jesus Christ uyàpù epùn poi màmuku kon pàk ewechi kon, inwuluukappù lùppù weli'nàtok yapai, molopai pùikattànài Katù we'naikatok tùuyàpù woton winàpai pàk tùuselupasan.

1 Thessalonians 4:16

Eke wentaimentok wechi màlà molo meluntà pe kan, inchelù yepotolù maimu useta màlà, Katù wayi tàwù màlà molopai nen uchi Itepulu uttù màlà epùn poi! Mùkyamlo iwelichak kon ailon tei'ma Christ pàk we'wuluuka màlà wapiya.

James 5:7

Kesetakkatàu uchi imàmuttàk kon ipàlikatàk utonpa yamùk, Itepulu uyàpù ponalà. Imasa yentàk kon yà'là kasa là umà pànnài wechi tùusetakkaik pùla tùnpàmàppù umla molopai iwepeta màmuku pàk. Konok màmu'nài mùkkàlà, wapiyalok molopai emennùppù tùuyàssen konok màmu'nài.

1 Peter 1:17

“Ina Kàipùnù” tawonnan pe ewechi kon, tamù'nawolon kon kappon yamùk pàk, “suwa messaik” tawon, tok nùkupùppù yawàlà ekkaichalà pàk; uchi emattàk kon talà sàlà non po inamatok molopai yapulàtok auya'nokon yau.

1 John 2:28

Ewaik, umunkà yamùk, yau ettàk kon, meluntà pe ewechi kon pa ichenpoika yau molopai àuso'namù kon wekuli'mantok yau iwinàpai iyàttok Weyu yattai tukaik.

Jude 1:14

Enoch, Adam pa 7 pe Adam ye'mappù pokon mùkkàlà pùsamlo pàk Katù Maimu yenpoikanàippù lùppù: “Yenkà! Itepulu uyàpù màlà tukkan kon kulu wakù ton inchelù yamùk pokonpe,

Revelation 1:7

Yentàk, nùyàssan katuppluk yau! Tamù'nawolon kon uya yene màlà. Mùkyamlo ipukapà'nài nan nùssan uya là. Tamù'nawolon kon kappon yamùk sàlà non pon kon usewankono'ma màlà iwenai. Ewaik, màlà kasa iwettok woton! Emen.

Revelation 2:23

Imunkà yamùk tùkka uya nàlà màlà, màlàyau nen uchi tamù'nawolon sochi yamùk uya Iulà pe iwechi ittu màlà, kappon yamùk yewan molopai tok usenumenkatok ittunài pe. Tamù'nawàlà amyamlo ye'ma uya màlà ànkupùppù yawàlà tewinpàk.

Revelation 20:12

Molopai yeneppù uya iwelichak kon lùssan eke ton molopai echikili ton, ekkaichalà, satippe aponnok yemloto po. Kaleta yamùk yakkokasak wechippù, molopai tùulon kaleta yakkokasak wechippù, wema'nàtok kaletayi. Iwelichak kon ittuppù màlà tok nùkupùppù yawàlà imenukasak kaleta yamùk yau pàkàlà.