Matthew 16:20 - Patamuna New Testament Revised

²⁰ Màlàyau Jesus uya ta'lon kon pàk, “Ànù'là pàk Christ, pe wechi kùsekamatàu,” teppù.

Matthew 16:20 ပူးပေါင်းရင်းမြစ်များ

Matthew 1:16

Jacob wechippù, Joseph kàipùnù pe. Joseph, Mary tayappù kàipùnù pe iwechippù. Jesus, Christ tukaik tesassen yan.

Matthew 16:16

Simon Peter uya yeikuppù, “Yeunossak àmàlà Christ, tàwàlàlà tùwemassen Katù Mumu,” tukaik.

Matthew 17:9

Tùwuttà kon pe wùk poi Jesus uya tok pàk, “Ànù'là pàk sàlà menpàssatài'nùk kùsekamatàu Kàyik Mumu wuluuka weli'nàtok yapai ponalà,” tukaik.

Matthew 8:4

Màlàyau Jesus uya ipàk, “ Ànù'là pàk kùsekamai, tùse tossalà paatele piyak itàkà eyentoppe ya. Molopai Moses nekamappù lùppù àntùlù pe itùtà euchipittàsak yekama pe nen uchi tamù'nawolon kon pàk,” teppù.

Mark 8:30

“Kùyekamatàu ànù'là pàk,” teppù Jesus uya tok pàk.

Mark 9:9

Wùk poi tùwuttà kon yau tok panamappù ya àsà pe, “Eneneppù kon kùsekamatàu, Kàyik Mumu we'wuluukasak tùwelikù tùpo ponalà,” tukaik.

Luke 2:11

Sàlà yewalupàyi tau David pata po Eyepulu kon wentusak man, Christ itesek, Itepulu mùkkàlà!

Luke 9:21

Màlàyau àsà pe meluntà pe, “Ànù'là pàk kan uchi sàlà kùsekamatàu tà,” teppù ya.

Luke 9:36

Mayin wàttù'nàsak yau, molo Jesus wechippù màlà tewincha. Ya'lon kon wechippù màlà eppana molopai ànù'là pàk tùneneppù kon yekamappù tok uya pen màlà, màlà yattai.

John 1:41

Wapiya kulu Andrew uya takon Simon yepoloppù, molopai “Ina uya Messiah yeposak man,” teppù ya (Christ teya pe iwechi).

John 1:45

Philip uya Nathanael yepoloppù, “Moses uya imenukappù ipàk Law yau molopai Katù Maimu yenpoikannan uya imenukappù ipàk. Mùkkàlà yeposak ina uya man. Mùkkàlà Jesus, Nazareth pon, Joseph mumu,” teppù ya.

John 11:27

Martha uya Jesus pàk, “Ewaik, Uyepulu, ailon ukayaik àpàk! Àmàlà Mùkkàlà Christ, Katù Mumu, wolù yak tùuyàpù woton teppù ipàk lùppù,” teppù.

John 20:31

Sàlà yamùk we'menukasak màlà ailon te kon pa Jesus wechi Christ pe molopai Katù Mumu pe pàk, molopai ailon tetok auya'nokon yai tàwàlàlà wema'nàtok yesappe ewechi kon màlà itesek yai.

Yeunossak kon Wotokoyi 2:36

“Tàwà tamù'nawolon kon Israel pon kon kappon yamùk ailon pe nùttui, pùsàlàichi mùkkàlà Jesus ànpukapàtùppù kon pulusuk pona. Katù uya ikussak màlà Itepulu pe molopai Christ pe!” teppù Peter uya.

1 John 2:22

Ànùk ken uchi mùkkàlà kasei? Mùkyamlo, Jesus mùkkàlà Christ pen, tawonnan. Mùkkàlà wechi màlà Christ yeyaton pe. Asakklàma Kùkàipùnù molopai Imu tawonnan nulunpannan mùkyamlo.

1 John 5:1

Ànù'là ailon tawon Jesus wechi Christ pe pàk wechi màlà Katù mule pe; molopai ànù'là ikàipùnù pùnùnmanài uya nàlà màlà imle pùnùnma.