Matthew 15:28 - Patamuna New Testament Revised

²⁸ Màlàyau Jesus uya yeikuppù, “Meluntà ailon tetok ya àmàlà, nossan! Iche ewettok wekkupù màlà àponaloppe,” tukaik. Molopai màlà yattai kulu itema'nomù uchipittàppù màlà.

Matthew 15:28 ပူးပေါင်းရင်းမြစ်များ

Matthew 14:31

Asse'ne Jesus usenkappù iwinàkàik yachippù ya molopai ipàk, “Attu'mùla kulu ailon tetok auya man! Yà'là pe ken uchi iwechi pàk ailon te auya pùn?” teppù ya.

Matthew 15:27

“Ailon màlà, Uyepulu, tùse a'a yamùk lànen iwà'nànsak lùppù wepukasak tesak yeipa yapon poi na'nài!” teppù ya.

Matthew 8:10

Jesus usenumenkasak wechippù màlà sàlà yetasak tùuya yau, molopai ta'lon kon pàk, “Ailon kulu sàlà, sàlà yekkwa ailon tetok yensak uya pùla man ànù'là yau Israel po.

Matthew 8:13

Molopai Jesus uya soicha yamùk yesak pàk, “Emeikkà, molopai ailon mùkayai'nùk wekkupù màlà àponaloppe,” teppù. Molopai itapyoto uchipittàppù, màlà yattai kulu.

Matthew 9:22

Jesus welattàppù molopai yeneppù ya, molopai ipàk, “Emeluntàtakà, uyenchi! Ailon tetok auya uya eyipittàsak man,” teppù ya ipàk. Asse'ne màlà yattai nossan uchipittàppù màlà.

Mark 5:34

Jesus uya ipàk, “Uyenchi, ailon tetok auya uya eyipittàsak màlà. Itàkà wàlà'ka'nàtok yau, ittaimelunpatok pùla enakà,” teppù.

Luke 17:5

Yeunossak kon uya Itepulu pàk, “Ailon tetok ina uya yeka'nùkkà,” teppù.

Luke 7:50

Tùse Jesus uya nossan pàk, “Ailon tetok auya uya àpùikattàsak man, eyewan wàlàkattok yau itàkà,” teppù.

Luke 7:9

Jesus usenumenkasak kulu wechippù màlà sàlà yetasak tùuya yau. Iwelattàppù molopai ilinà kappon yamùk tùwenaiman nan pàk, tekamayaik àpàkù'nokon “Sàlà yekkwa eke là ailon tetok yensak uya pùla kulu man, Israel pon kon winà là,” teppù ya.

2 Thessalonians 1:3

Tenki te kulu sàlà ina uya Katù pàk àpàkànsau'nokon tàwàlà, utonpa yamùk! Sàlà wechi màlà ikasa, masapùla ailon tetok auya'nokon Christ pàk yawàlà ewettok kon nenayan meluntà pe, molopai eke pe, molopai euchi'nùnmatok kon nenayan tense eke peiwa.