Matthew 13:38 - Patamuna New Testament Revised

³⁸ Umà màlà wolù. Wakù tùpànsen kùyali yenappà mùkyamlo kappon yamùk itepulu pe iwettok ton. Àlitta mùkyamlo kappon yamùk Ene Makui ponalok kon.

Matthew 13:38 ပူးပေါင်းရင်းမြစ်များ

Matthew 13:19

Mùkyamlo itepulu pe we'nàtok yekale yetannan, tùse ittunnan pen wechi màlà tùpànsen kùyali yenappà iwessolokasak lùppù asantak kasa. Ene Makui tùuyàssen molopai ipànsak lùppù tok yewan yau mokkanài.

Matthew 24:14

Molopai sàlà Wakù Itekale itepulu pe we'nàtok yekale yekama màlà tamù'nawàlà wolù yawàlà pata yamùk yawolon kon pàk, molopai nen uchi iwenukatok uyàpù màlà,” teppù Jesus uya.

Matthew 5:37

Tùse neken ‘Ewaik’ wapùla ‘Kane,’ mùkatàik. Yà'là tu'ma là euselupatok kon màlà Ene Makui winàpai iyàssak,” teppù Jesus uya.

Matthew 8:12

Tùse mùkyamlo itepulu pe we'nàtok epùn po yau tùwessan yek yenu'ma màlà ewalupàttak polopona, molo tok kalawà màlà molopai tùyà kon kàlàlài'ma tok uya,” teppù Jesus uya.

Luke 24:47

Molopai itesek yau àli kuttok winàpai welattàntok Katù winàkàik, molopai àli kuttok pàk usentuppantok yekale yekama màlà tamù'nawàlà pata yamùk yawàlà, Jerusalem poi tùpyattàse.

John 12:24

Ailon kulu sàlà, tewin nùkkwà a'naik wepukasak non pona yau tewin nùppù iwechi màlà tùse iwelichak yau, iwata molopai iwepeta tukke.

John 8:44

“Àkàipùnù kon Makui, ponalok kon amyamlo, molopai iche iwettok ku'nàinan. Iweppyattàppù motapai wànài pe iwessak màlà molopai kasei pe, masapùla ailon pùla iwechi màlà, yau. Kasei pe iichelupa yau iteselu màlà, masapùla kasei mùkkàlà molopai kasei kàipùnù.

Yeunossak kon Wotokoyi 13:10

Molopai wateppù ya “Devil mumu àmàlà! Tamù'nawàlà wakù ton iteyaton àmàlà. Molopai àli ennakantok ke iwanùssak àmàlà molopai Katù wettok ailon pe lattàiche tùwessen àmàlà kasei pe!

Romans 10:18

Tùse tekamappoyaik, ailon ken na' màlà tok uya itekale yetappù pùla iwechi? Ewaik, tok uya yetappù. Katù Maimu uya “Tok maimu utàppù màlà tamù'nawàlà wolù yawàlà, tok maimu utàppù tamù'nawàlà non pon kon piyak,”te kasa {Psa 19.4}

Romans 16:26

Tùse sàlà pe nen uchi, sàlà itekale yekamasak man molopai tàwàlàlà tùwemassen Katù uya tùmaimu yenpoikannan yapyontàppù màlà wakù itekale menukatoppe tok uya, tamù'nawolon kon kappon yamùk uya ailon tetoppe molopai imaimu yawàlà tok wettoppe.

Romans 8:17

Imunkà yamùk pe we'nà'nokon pàk, wakù inkupù tùponalok kon ponaloppe yesappe we'nà'nokon màlà Christ, imu, pokonpe. Masapùla Christ wettalumattàppù kasa wettalumattàn pàk alikyeppe we'nà'nokon yau, namantok nàlà yepolo màlà ipokonpe.

James 1:18

Teselu winà Katù uya kùnepùppù kon emennak wema'nàtok yak màlà ailon tùmaimu yai, wapiyalok pata yau we'nàtoppe tùponalok kon kappon yamùk kùlottau.

James 2:5

Yetatàk kon, utonpa yamùk! Katù uya entuppa'nokon, yà'là pùnon kappon yamùk sàlà wolù yawon kon yanùnsak màlà eke pe ailon tetok yesappe tùwessan pe molopai Katù wettok itepulu pe yesappe tok wettoppe itùlù tùuya tù'nùnmannan yemyak teppù ya lùppù.

1 Peter 1:23

Masapùla nulànan molopai tàwàlàlà tùwemassen Katù Maimu yai ewentu tu'masak kon màlà, tàwàlàlà tùwemassen tùwelichen pen munkà yamùk pe.

1 John 3:2

Utonpa yamùk, Katù munkà yamùk kùmyamlo sàlà pe, tùse i'nai kasa kulu wenan ittu kùuya'nokon pùla man. Tùse ittu'nokon man: Christ usenpoika yau, ikasa wenan nokon màlà, masapùla yene'nokon màlà mùkkàlà pe kulu.

Revelation 14:6

Màlàyau tùulon inchelù wainùnsak kau kak yau yeneppù uya. Tàwàlàlà tùwemassen Wakù Itekale yesappe. Inekama non pon kon kappon yamùk pàk, tamù'nawolon kappon yamùk pata yamùk yawolon kon, pata kok molopai tùpatalo'nan mayin yamùk molopai kappon yamùk pàk.