Matthew 12:46 - Patamuna New Testament Revised

⁴⁶ Kappon yamùk yelupa pàk lùppù Jesus wechi tùse, ichan molopai yakonnon wechippù polopo satippe, enelupapai tùwechi kon pàk.

Matthew 12:46 ပူးပေါင်းရင်းမြစ်များ

Matthew 1:18

Sàlà kasaichi Jesus Christ wentutok wechippù màlà. Mary molopai Joseph tawonnan wekkussak wechippù màlà tùwemali'ma kon pàk. Tùse tùwemali'ma kon wapiya Mary uya mule yepolo tùuya Wakù Akkwalù winà ittuppù.

Matthew 12:47

Màlàpàk kappon yamùk tonpa uya Jesus pàk, “Masa yenkà, asan molopai ayakonsnon molo man polopo molopai eyelupapai tok man,” teppù.

Matthew 13:55

“Tapùi yamùnài mumu pen ken na' mùkkàlà? Mary pen ken na' mùkkàlà ichan yesek? Molopai James, Joseph, Simon, molopai Judas tawonnan pen ken na' uchi mùkyamlo yakon non?

Matthew 2:11

Tapùi tak tok wewomùppù màlà molopai mule yeneppù tok uya tùsan Mary pokonpe. Tese'mu kon yok tok wenappù molopai tok uya yapulàppù.Màlàyau tapluli kon yen yakkokappù tok uya. Molopai tùntùlù kon tùlùppù tok uya, kolù, appoi'nan tùpottàsen, frankincence, molopai appoi'nan kalapa itesek myrrh.

Matthew 2:20

“E'wuluukakà, mule yakà molopai ichan, ennappokà pata Israel pona. Masapùla mùkyamlo mule wànàiche iwessak kon welikùppù man,” teppù ya.

Mark 2:21

“Ànù'là emennak kuyalikku pùkkùlùppù yapulànài pen ipoippà pon paachi'ma toppe tùuya. Ikussak ya yau emennak uya màlà ipoippà kalapàtù eke peiwa iwekalasak tùmase, ” teppù Jesus uya.

Mark 6:3

“Mùkkàlà ken na' tapùi yamù pàk tùwessen pen, Mary mule, James, Joseph, Judas, molopai Simon yamùk lui pen ken na' mùkkàlà? Iwàlichi ton pen ken na' mùkyamlo talà nai'nannùk?” tukaik tok usekamappopàtùppù. Màlàpàk tok uya inulunpappù.

Luke 1:43

Yà'là pe kulu sa' uchi iwechi pàk sàlà eke wekkuppù uwinàkàik ko, Uyepulu yan uya ukakklanpasa' lù?

Luke 2:33

Mule kàipùnù molopai ichan tawonnan usenumenkappù kulu màlà Simeon uselupappù ipàk lùppù pàk.

Luke 2:34

Simeon uya tok pùlemappù, molopai ichan, Mary pàk. “Pùsàlà mule yanùnsak Katù uya màlà, tukkan kon Israel pon kon wettalumattà toppe, tùulon kon wepùikattà toppe, molopai yentok ipàkàlà pe iwinàkàik usàulàman toppe.

Luke 2:48

Ichan yamùk usenumenkappù màlà yensak tùuya'nokon yau. Màlàyau ichan uya, “Umle, yà'là peichi iwechi pàk sàlà mùkupùi ina winàkaik? Àkàipùnù molopai Iulà sa'ne tawonnan nen mà nùtaimelunpatai eyiwa pàk tà,” teppù ipàk.

Luke 2:51

Màlàyau Jesus wennapoppù tok ya'là Nazareth pona. Màlà motau tok maimu yawàlà iwechippù. Ichan uya tamù'nawàlà sàlà yamùk kupùppù tewan yau.

Luke 8:10

Jesus uya yeikuppù, “Katù wettok itepulu pe yau tùttusen pen ittutok auya ke elepasa'man. Tùse tùulon kon uya ittutok uyàpù màlà panton yai, tok uya tenu kon tùtoppe yenei'ma pùla, tok uya yeta toppe ittui'ma pùla,” tukaik. {ISA 6:9}

John 19:25

Molo Jesus pukapàttok ipona pulusuk piyau satippe ichan wechippù, molopai ichan yakon, Mary Clopas noppù, molopai Mary Magdalene.

John 2:1

Icholùwano wei yattai wemali'mantok wechippù pata Cana po, Galilee yawon po. Jesus san wechippù molo,

John 2:12

Màlà tùpo Jesus, ichan, yakonnon moloppai inenupaton tukaik tok utàppù Capernaum pona. Molo tok uko'mamùppù malalà.

John 2:5

Jesus san uya apyoto yamùk pàk, “Yà'làlà te ya yau mùkuttàik,” teppù.

John 7:10

Tùse takonnon utàppù Uta'lettàntok yak ye'mappùtak, Jesus utàppù nàlà. Kappon yamùk uya ittu pùla amak yai iitàppù.

John 7:3

Màlàyau Jesus yakon non uya ipàk, “Talà kechii, Judea pona itàkà, molo enenupa ton uya eke pe ewe'wotokoma yentoppe.

John 7:5

Masapùla yakon non uya là ailon te pùla iwechippù ipàk.

Yeunossak kon Wotokoyi 1:14

Tok wepilippàtùppù tamùkke echipalà àpùlemase, tamùkke nossan yamùk pokonpe, Mary là Jesus yan molopai Jesus yakon non tukaik.

1 Corinthians 9:5

Tùulon kon yeunossak kon nùkupù kupù'nokon wechi ken na' uchi ikasa pùla màlà, kùnoppù kon yalà kùya'là'nokon, Itepulu Jesus yakonnon molopai Peter yamùk kasa?

Galatians 1:19

Tùulon kon yeunossak kon yene uya pùn tùse James neken, Itepulu yakon.