Matthew 12:28 - Patamuna New Testament Revised

²⁸ Tùse Katù Yakkwalù yai àli akkwalù yamùk yenpakka Usya yau, Katù wettok Itepulu pe uyàssak man apyakù'nokon.

Matthew 12:28 ပူးပေါင်းရင်းမြစ်များ

Matthew 12:18

“Pùsàlàichi mùkkàlà uyapyoto unanùmùppù. U'nùn kulu mùkkàlà, utauchinpatok ipàk. Uyakkwalù tùlù uya màlà ipona. Molopai ittuntok uya yekama ya màlà tamù'nawolon kon pàk Jew yamùk pen pàk,” tawon.

Matthew 12:29

“Ànù'là wewontok meluntà kàyik yùwùk tùkkwàsse itemamin yamùk yase pùla iwechi màlà, tùse meluntà kàyik yaulonpàssak neken tùuya wapiya yau. Màlà yattai làkku itùwùk tawon pàk ilapuma ya màlà.

Matthew 21:31

I'nai uya ken tùkàipùnù wettok iche kupùppù nai?” teppù Jesus uya. “Wapiyalok uya,” tukaik tok uya yeikuppù. “Ailon kulu sàlà, pùlayatta pili'nàinan molopai kàyik yamùk yemyak tùwechilanmasan utà màlà Katù patassek yak awapiya'nokon.

Matthew 21:43

“Màlàpàk tekamayaik àpàkù'nokon, sàlà lepantok mokka màlà ewinàpai'nokon molopai itùlù màlà kappon yamùk wakù pe tùwepetasan yemyak.

Matthew 4:24

Itekale usetappù màlà tamù'wàlà Syria pon pata yawàlà. Màlàpàk kappon yamùk uya tamù'nawàlà e'netton yalàppù ipyak yà'là yekkwa ton nà palan pàk tùwessan molopai ti'ninchan kulu. Molopai nàlà àli akkwalù yen yamùk, tùusa'mantapàssan, itokkassak kon nà nepùppù tok uya. Jesus uya tok ipittàppù màlà tamù'nawàlà.

Matthew 6:33

“Tùse làkku, wapiya itepulu pe iwettok yemyak ettùtàk kon, molopai tamù'nawàlà iche iwettok kasa molopai tamù'nawolon sàlà yamùk tùlù ya màlà eyemyak kù'nokon.

Mark 1:15

“Iwalai pata weyu wesseposak man, Katù wettok itepulu pe mei pùla man. Amakuyi kon winàpai elattàtàk kon molopai ailon katàk kon, Wakù Itekale pàk, ” teppù ya.

Mark 11:10

Katù uya itepulu pe ina kàipùnù, Kin David wettok nùyàssai'nàk pùlema màlà! Katù yapulà sàlà, ” tukaik.

Mark 16:17

Molopai ailon tawonnan lepasak wechi màlà yentok ipàkàlà kuttok ya yapàiketù ke. Uyesek yau àli akkwalù yenpakka tok uya màlà. Molopai tok uselupa màlà tùpatalo'nan mayin yau.

Luke 11:20

Kane, Katù meluntàlù winà làkku àli akkwalù yamùk yenpakka uya màlà, màlà uya Katù wettok itepulu pe uyàkkassak apyakù'nokon yekama màlà.

Luke 16:16

“ Law molopai Katù Maimu yenpoikannan nùmenukappù lùssan wechippù màlà tapulàsan pe John Enapataukanài wessepolo ponalà. Màlà motapai nen uchi Wakù Itekale Katù wettok itepulu pe yekama man, molopai tamù'nawolon kon nettùyan Katù yemyak tùuseka'nonkaik.

Luke 9:2

Màlàyau tok yeunokoppù ya Itepulu pe Katù wettok yekamase molopai e'nek ton ipittàse.

Yeunossak kon Wotokoyi 10:38

Mùttuyatàik Katù uya Wakù Akkwalù molopai meluntà tùlùppù Jesus, Nazareth pon pona. Iitàppù mailàlà wakù kupù pe, Makui meluntàlù yo'non kon ipittà pe, masapùla Katù wechippù ya'là.

Romans 14:17

Masapùla Katù wettok Itepulu pe màlà tùnassen nà wapùla tinchisen nà pen, tùse ikasa we'nàtok, molopai echitonpa pe we'nàtok molopai utauchinpantok Wakù Akkwalù nùtùlù.

Colossians 1:13

Masapùla kùpùikattàppù kon ya ewalupà meluntàlù winàpai molopai ne'nàsak kon ya itepulu pe tù'nùn Tùmu wettok yak pàk.

Hebrews 12:28

Màlàpàk uchi tenki tepai'nokon Katù pàk, masapùla tùutattù'masen pen Katù wettok itepulu pe yepolo'nokon pàk. Màlà yai Katù yapulàpai'nokon man iche iwettok yawàlà, namantok pokonpe molopai usenalipantok pokonpe.

1 John 3:8

Ànù'là tùmakuyi yau nai'nùk wechi màlà Makui ponaloppe, masapùla Makui wemakuimasak màlà iwepyattà motapai. Katù Mumu uyàpùppù màlà sàlà pàkànsau, Makui wotokoyi mattanùsse.