Matthew 12:27 - Patamuna New Testament Revised

²⁷ Àli akkwalù yamùk yenpakka uya, Beelzebul meluntàlù yai yau. Ànùk winà nen ken aya'lon kon tok yenpakkannan? Màlàyau mùkyamlo wechi màlà suwa messaik tawonnan pe àpàk!

Matthew 12:27 ပူးပေါင်းရင်းမြစ်များ

Matthew 10:25

Eichilà mà iwechi màlà tà tenupasen wechi tenupanài kasa molopai apyoto wechi tepotolù kasa yau. Tapùi yesak wechi Beelzebul pe yau màlà yentai nen uchi itùwùk tawon kon wechi màlà!” teppù ya.

Matthew 4:24

Itekale usetappù màlà tamù'wàlà Syria pon pata yawàlà. Màlàpàk kappon yamùk uya tamù'nawàlà e'netton yalàppù ipyak yà'là yekkwa ton nà palan pàk tùwessan molopai ti'ninchan kulu. Molopai nàlà àli akkwalù yen yamùk, tùusa'mantapàssan, itokkassak kon nà nepùppù tok uya. Jesus uya tok ipittàppù màlà tamù'nawàlà.

Matthew 9:34

Tùse Pharisee yamùk uya, “Àli akkwalù yamùk yepulu uya màlà ilepa meluntà ke tok yenpakkatoppe ya,” teppù.

Luke 11:19

Sàlà kasa tok yenpakka uya yau, yà'là kasa ken uchi aya'lon kon tok yenpakkan nan? Aya'lon kon nànen mà ikasa pùla kulu lànen ewechi kon yekamayan tà!

Luke 19:22

Itepulu uya ipàk wateppù. Àmàlà àli apyoto! Amaimu là yapulà uya màlà, atalumattà toppe uya. Mùttuyaik sa'man pe wechi, uponalok pen yanùnnài pe, molopai unpàmàppù pen mokkanài pe wechi.

Romans 3:19

Sàlà pe ittu'nokon man tamù'nawolon Law yau nai'nùk wechi, mùkyamlo yawàlà nemassai'nannùk ponaloppe. Tamù'nawolon kappon we'waputtàtok kon yeleutanùttoppe molopai tamù'nawàlà wolù yawon kon kappon yamùk nettoppe Katù uya ittuntok yak.