Matthew 12:25 - Patamuna New Testament Revised

²⁵ Jesus uya tok usenumenkatok ittuppù màlà molopai tok pàk, “Yà'là yekkwa là pata yau tùwemassan kappon yamùk, wepantakasak tùwepanta'matok kon pe, wemattok tachin pe pùla iwechi màlà. Molopai eke pata wapùla tapùi tawon kon wepantakasak tùwepanta'ma tok kon pe wemapù tamùkke pen màlà.

Matthew 12:25 ပူးပေါင်းရင်းမြစ်များ

Matthew 9:4

Jesus uya tok usenumenkatok ittuppù màlà molopai, “Yà'là peichi iwechi pàk àli pe eusenumenka kon màlà?” tukaik tok yekamappoppù ya.

Mark 2:8

Màlà yattai Jesus uya amak yai tok usenumenkatok ittuppù. Màlàyau, “Yà'là pe iwechi pàk eusenumenka kon pàk messatàu màlà pàk?” teppù Jesus uya tok pàk.

John 21:17

Jesus uya Peter pàk icholùwano itekkwa pe, “Simon, John mumu, à'nùn pe na' kùkussan?” teppù. Peter upokoitappù masapùla Jesus uya tùpàk icholùwano itekkwa pe, “À'nùn pe kulu na' kùkussan?” te pàk. Molopai Peter uya ipàk, “Uyepulu, tamù'nawolon mùttuyaik, mùttuyaik u'nùn pe àkupù uya,” teppù. Jesus uya ipàk, “Uyùkùn non kalinilu yamùk mewetùik,” teppù.

1 Corinthians 2:11

Ànù'là uya tùulon kappon usenumenka ittu pen tùse, kappon yau nai'nùk màlà yakkwalù ichenumenkatok ittunài. Màlà kasa làma, Wakù Akkwalù neken mùkkàlà Katù usenumenkatok ittunài.

Galatians 5:15

Ayakontalù pokonpe euchikkapàtù kon pàk, ausanù kon pàk ewechi kon yau, masa yentàk, aumatta kon màlà eyiwalà'nokon.

Hebrews 4:13

Yà'làlà wechi yonansappe pen màlà Katù winàpai, tamù'nawolon inkonekappù yau. Tamù'nawolon wechi màlà ayupo itenu yau. Molopai tamù'nawolon ikussak lùppù yekama màlà ipàk ailon pe.

Revelation 16:19

Màlà Eke kulu pata wessala'moppù màlà àsolùwau, molopai kappon yamùk pata yamùk non pon yawolon kon mattanùpùppù màlà. Katù uya eke Babylon yenumenkappù, molopai wain inchitoppe ya ikupùppù ya tùkokù yapai, àsà pe tùwe'naikatok yeuku.

Revelation 2:23

Imunkà yamùk tùkka uya nàlà màlà, màlàyau nen uchi tamù'nawolon sochi yamùk uya Iulà pe iwechi ittu màlà, kappon yamùk yewan molopai tok usenumenkatok ittunài pe. Tamù'nawàlà amyamlo ye'ma uya màlà ànkupùppù yawàlà tewinpàk.