Matthew 12:15 - Patamuna New Testament Revised

¹⁵ Ittu tùuya pàk yau, Jesus utàppù màlà pata yapai, molopai tukkan kon kappon yamùk utàppù ya'là. Tamù'nawàlà e'netton ipittàppù ya.

Matthew 12:15 ပူးပေါင်းရင်းမြစ်များ

Matthew 10:23

“Molopai atalumattà kon tok uya tewinan pata yau yattai mepetàik tùulon pata yak. Ailon kulu sàlà, tamù'nawolon pata yamùk Israel yawolon kon yaletùkka auya'nokon pen màlà, Kàyik Mumu uyàpù wapiya,

Matthew 19:2

Tukkan kon kappon yamùk uya iwenaimappù màlà molopai tok ipittàppù ya molo.

Mark 6:56

I'nailàlà Jesus utàsak yau, pata yamùk lùkwà pona wapùla eke pata yak, wapùla umà yak là yau, kappon yamùk uya e'nek ton nepùppù màlà, yà'làlà chilanmatok molopai yà'làlà ye'matok motak. Molopai Jesus pawanatàppù tok uya ipon yeppi neken nà yappàttoppe tok uya iku toppe ya. Molopai tamù'nawolon kon ipon yeppi yappà'nài nan nùssan uchipittàppù màlà.

Luke 5:22

Jesus uya tok usenumenkatok ittuppù màlà molopai tok pàk, “Yà'là pe iwechi pàk màlà kasa eusenumenka kon?” teppù ya.

Luke 6:12

Màlà yattai Jesus utàppù wùk pona àpùlemase, iwàpùlemappù pata temakkwase.

Luke 9:11

Yetasak tùuya'nokon yau tukkan kon kappon yamùk uya iwenaimappù. Tok yanùmùppù ya tùutauchinpaik. Tok yelupappù ya, Katù wettok itepulu pe pàk, molopai mùkyamlo tipittà kon iche tùwessan ipittàppù ya.

John 11:54

Màlàpàk ayupo Jew yamùk kùlottawàlà Jesus usalàppù pen. Tùse iitàpù pata wontaik piyawon Ephraim itesek pona, molopai molo iwechippù tùnenupa ton pokonpe.

John 7:1

Sàlà tùpo Jesus utàppù Galilee yawàlà, Judea yawà iitàppù pen masapùla molon kon nà Jew yamùk wechippù imàmuku pàk iwàtoppe tùuya'nokon.

John 9:4

Uyeuno'nàippù wotokoyi kupù'nokon sàlà akkwa pe iwechi kùlottau. Ewalupà nùyàssan ànù'là we'wotokomatok yattai pen.

Galatians 6:9

Màlàpàk wakù kupù pàk usetakkan' nokon kùsettak, masapùla iwalai iweyu yattai ipànsak lùppù mokka màlà usemya'nùnpansak pùla iwechi yau.

1 Peter 2:21

Sàlà màlà Katù uya àkà'mappù kon yak; masapùla Christ wettalumattàppù àponalok kon pe pàk iwettalumattàtok winà eusenupa kon pa molopai itta ye'mappù yawàlà àutà kon pa.