Matthew 11:24 - Patamuna New Testament Revised

²⁴ Tùse tekamayaik àpàkù'nokon Ittuntok Weyu yattai usentuppatok wechi màlà eke peiwa Sodom pàk, àpàkù'nokon usentuppatok yentai!” teppù Jesus uya.

Matthew 11:24 ပူးပေါင်းရင်းမြစ်များ

Matthew 10:15

Ailon kulu sàlà, Ittuntok Weyu yattai Katù usentuppa màlà eke peiwa Sodom molopai Gomorrah pon kon pàk, màlà pata yawon kon kappon yamùk pàk tùusentuppa yentai!” teppù Jesus uya.

Matthew 11:22

Tùse tekamayaik àpàkù'nokon Ittuntok Weyu yattai usentuppantok wechi màlà eke peiwa kappon yamùk Tyre molopai Sidon pon kon pàk, àpàkù'nokon usentuppantok yentai!

Matthew 23:14

“Àsà pe kulu iwechi màlà àpona'nokon Law pàk enupannan molopai Pharisee yamùk! Tùusennakasan amyamlo! Itayappù iwelichak kon yemamin molopai tok patassek mokkannan. Molopai nàlà kusan pe tùwàpùlemasan amyamlo, kappon yamùk uya neken yentoppe. Sàlà wenai atalumattàtok kon wechi màlà àsà peiwa.

Mark 6:11

Ewelepansak kon pata yak yanùmù kappon yamùk uya pùla iwechi yau wapùla euselupa kon yeta tok uya pùla iwechi yau màlà pata mùnàntàik, inonù mùtu'metàik ata kon poi. Sàlà wechi màlà tok yekamappotok pe,” teppù Jesus uya tok pàk.

Luke 10:12

Tekamayaik àpàkù'nokon, Ittuntok Weyu yattai Katù uya eke peiwa usentuppantok yenpoika màlà Sodom winàkàik màlà pata yentai!” teppù Jesus uya tok pàk.