Matthew 10:8 - Patamuna New Testament Revised

⁸ “E'netton mipittàtàik, iwelichak kon mùwuluukatàik, welei pokon kon mipittàtàik, molopai àli ton akkwalù yamùk menpakkatàik. Te'mase pùla yeposak auya'nokon man, màlàpàk me'lepatàik te'maik pùla.

Matthew 10:8 ပူးပေါင်းရင်းမြစ်များ

Matthew 10:1

Jesus uya 12 pan kon ta'lon kon kà'mappù màlà tùpyak. Molopai tok lepappù ya meluntà ke, àli ton akkwalù yamùk yenpakkatoppe tok uya, molopai yà'là yekkwa là palan molopai e'nek ipittàtoppe tok uya.

Matthew 10:7

Àutà kon pe, ‘Itepulu pe we'nàtok epùn po wechi mei pùla, mekamatàik” teppù Jesus uya.

Matthew 10:9

Kolù wapùla chilùpa wapùla kalukuli pùlayatta kùsatàu.

Mark 16:18

Àkài là yanùnsak tok uya yau, molopai yà'làlà paichinù'manài inchichak tok uya yau, e'neppe tok wena pen. Molopai tok uya e'netton pona temyatù kon tùlù molopai e'netton wenna màlà,” teppù Jesus uya tok pàk.

Luke 10:9

E'nek ton mipittàtàik màlà pata yau. Molopai kappon yamùk pàk, ‘Itepulu pe Katù wettok uyàssak man mei pùla kulu apyakù'nokon,’ mùkatàik.

Yeunossak kon Wotokoyi 3:6

Peter uya, “Pùlayatta pùla kulu wessaik, tùse elepa uya sàlà itesak pe wettok ke. Jesus Christ Nazareth pon yesek yau, à'mùssakkakà molopai asakà, te uya sàlà,” teppù ipàk.

Yeunossak kon Wotokoyi 4:30

Eyemyatù yenkakà, ipittànse, molopai yà'làlà wakù wapiya yensak lùppù pen enumenkannan wekkutoppe ikukkà, wakù kulu ayapyoto Jesus yesek yai,” teppù tok uya Katù pàk.