Mark 9:50 - Patamuna New Testament Revised

⁵⁰ Pan màlà wakù. Tùse ine'neppe tùwettok pùla iwenasak yau, yà'là kasa ken ine'neppe tukka ima auya'nokon? Ene'mayi kon pan ayau'nokon nechii, molopai echitonpa pe ettàk kon àsà pe pùla,” teppù Jesus uya tok pàk.

Mark 9:50 ပူးပေါင်းရင်းမြစ်များ

Matthew 5:13

“Pan kasaichi ewechi kon màlà kappon yamùk ponaloppe. Pan wenasak ine'neppe pùla yau, ine'neppe tu'ma imatok pùla iwechi màlà. Tapulàsen pe pùla iwenasak màlà, màlàpàk yenu'ma màlà. Molopai kappon yamùk usalà ipolo.

Mark 9:34

Tùse eppana tok wechippù masapùla asantawàlà tùuyàpù kon yau, “Ànùk wechi ken eke peiwa kulu kùkklottau'nokon pe iwechi màlà?” tukaik, tùuselupasak kon pàk.

Mark 9:49

“Apok wechi màlà tok pàk pan tùsak kùyali pona kasa.

Romans 12:18

Tamù'nawolon ànùttu kon wakù mùkuttàik tamù'nawolon kon kappon yamùk pokonpe echitonpa pe ewemapù kon pa.

2 Corinthians 13:11

Iwenukapù pe Utonpa yamùk, eichilà man! Apawanattàtok kon uya yetatàk kon, tamù'nawàlà wakù pe nai'nùk winàkàik itàtàk kon, tewin ichenumenkatok ettàk, echitonpa pe emattàk kon. Molopai Katù pùnùnmantok molopai echitonpa pe we'nàtok yesak wechi apyau'nokon màlà.

Galatians 5:22

Tùse wakù ton Akkwalù winàpai tùuyàssan màlà pùnùnmantok, utauchinpantok, echitonpa pe we'nàtok, pàlikantok, usentupantok, wakù pe we'nàtok, ailon pe we'nàtok,

Ephesians 4:29

Àli mayin kùsapulàtàu euselupatok kon yau. Pùikattànài neken mayin yapulàtàk kon, iche kulu we'nàtok ne'nài, molopai ewan ipittànài eyetannan pùikattà toppe euselupatok uya.

Philippians 1:27

Tùse yà'là pe là wechi pe iwechi yau, Christ yekale nekama yawà memattàik tàwàlà. Màlàyau nen uchi eyense'nokon utà wapùla utà pùla là iwechi tùse eyekale kon neken nà yetatoppe uya, tamùkke tewin itewan, tewin ichenumenkatok, molopai meluntà pe ewechi kon wakù itekale ponaloppe yetatoppe uya.

Colossians 3:12

Katù uya à'nùnma kon màlà molopai tùponalok kon pe kulu ayanùnsak kon ya. Màlàpàk esuken emattàk, tùusentuppaik, wakù pe, àssà'mùla, tenpe, molopai pàlikanài nan pe.

Colossians 4:6

Tàwàlàlà euselupatok kon wakù pe nechii, àsà pe pùla enetapai we'nàtok pe. Molopai i'nai kasa là tamù'nawolon kon maimu yeitok ikasa tùttuik mettàik.

1 Thessalonians 5:13

Tok inamatàk kon eke pe, molopai tok i'nùnmatàk tok wotokoyi pàkànsau. Echitonpa pe ettàk kon.

2 Timothy 2:22

Àli ànkuppai umoine wettok winàpai elattàkà molopai wakù pe we'nàtok pàk e'wotokomakà màlà yamùk yepolo pa, ailon tetok, uchi'nùnmantok, molopai echitonpa pe we'nàtok, mùkyamlo esuken itewan Itepulu kà'mayai'nùk tùpùikattà tok kon pe ya pokonpe.

Hebrews 12:14

Ànùttu kon ikuttàk echitonpa pe ewemapùkonpa tamù'nawolon kon kappon yamùk pokonpe, molopai wakù pe esuken wema'nàtok iche ettàk kon, masapùla ànù'là wakù pe esuken wema'nàtok yawolonnà pen uya Itepulu yene pen màlà.

James 1:20

Masapùla kappon we'naikatok màlà wakù Katù yeselu wekuttok pùikattànài pen.

1 Peter 3:8

Màlàyau sàlà yekama uya àpàkù'nokon: tamù'nawàlà tewin usenumenkantok yesappe mettàik molopai ekkaichalà usentupantok tùulon kon pàk; ànù'là kappon i'nùnmatàk kon àtonpa kon kulu pùnùnma auya'nokon kàsa, molopai tùusentuppasen pe ettàk kon molopai àsà'mùla, àsà pe pùla ànù'là kappon pokonpe.