Mark 9:44 - Patamuna New Testament Revised

⁴⁴ Apok yau tok weluweyi welikù pen molopai apok usà'nùppù pen.

Mark 9:44 ပူးပေါင်းရင်းမြစ်များ

Matthew 25:41

“Màlàyau nen uchi tùkamikù winon kon pàk, ‘Itàtàk kon uwinàpai, amyamlo ipa'nù'nàssak kon! Itàtàk kon tàwàlàlà tùuyassen apok yak, ikonekasak lùppù Tepùlù molopai itinchelùyi yamùk ponaloppe yak!

Matthew 25:46

Pùsamlo uchi yeunoko màlà tàwàlàlà talumattàntok yak. Wakù ton utà màlà tàwàlàlà wema'nàtok yak” teppù Jesus uya.

Matthew 3:12

Kùyali pantakatok tùuya ipippà winàpai yesappe man. Ipilipù ya màlà kùyali yùwùk tak. Tùse ipippà lùppù pottà ya màlà tùusà'nùssen pen apok ke!” teppù ya.

Mark 9:43

Molopai eyemyatù winà ewemakuima yau, yattàkà! Wakù peiwa iwechi màlà tewin itemyatù ewemapù talà yau, asa'là itemyatù apok tùusà'nùssen pen yak àutà yentai.

Mark 9:45

Molopai ata winà ewemakuima yau, yattàkà! Wakù pe lùiwa iwechi màlà tewin itta ewemapù talà yau, asa'là itta apok tùusà'nùssen pen yak àutà yentai.

Mark 9:48

Molo tok yannài nan weluwe yamùk welikù pen molopai apok tok pottànài usà'nùpù pen.

2 Thessalonians 1:9

Tok wettalumattà màlà tàwàlàlà, Itepulu Katù yemloto poi tok wepantakasappe iwechi màlà molopai eke kulu imeluntàlù winàpai.

Revelation 14:10

Mùkkàlà uya nàlà màlà Katù we'naikatok yeuku inchi. Meluntà kulu tùwe'naikatok kokù yak inmappù esukenan yà'là yekkwa là ke yoi'mappù pùn. Ewaik, mùkkàlà sàlà ku'nàippù talumattà màlà apok molopai kulupala kasa tùkà'nùnsen yau, wakù ton inchelù yamùk molopai Kalinilu Mule yemloto po,” teppù ya eke pe.

Revelation 20:10

Màlàyau Makui tok yennakanàippù, yenu'mappù màlà eke kulu apok molopai kulupala kasa tùkà'nùnsen yak, àsà ene molopai iwalai pen itekale yekamanàippù tawonnan yenu'mappù yak, molopai tok talumattà màlà weinai molopai ewalupàttau tàwàlàlà molopai tàwàlàlà.

Revelation 20:15

Ànù'là itesek imenukasak pen wema'nàtok kaletayi yau, yenu'mappù màlà eke kulu apok wettulukasak yak.

Revelation 21:8

Tùse tùusenalippasan molopai ailon tawonnan pen, mùkkyamlo àli pe tùwessan, wànnan, tesak ke àli ku'nàinan, mùkyamlo piyassan yeselu ku'nàinan molopai ikonekasak katù yapulànnan, molopai tamù'nawàlà kasei ton uya tùnepolo kon yepolo màlà eke kulu apok tùuyassen patassek molopai kulupala kasa tùkà'nùnsen yau, màlà yakon itekkwa pe weli'nàtok,” teppù ya nàlà.