Mark 9:29 - Patamuna New Testament Revised

²⁹ “Wàpùlemantok uya neken sàlà yekkwa akkwalù yenpakka màlà molopai tùulon nà pùla man” teppù Jesus uya tok pàk.

Mark 9:29 ပူးပေါင်းရင်းမြစ်များ

Matthew 12:45

Molopai ittà màlà, 7 pan kon tu'ma àli akkwalù yamùk nesse ta'là, àli ton kulu tentaino kon. Tok uyàpù màlà molopai tok wemapù molo. Màlàyau kappon wechi màlà àli pe kulu wapiya tùwechippù yentai. Sàlà kasaichi iwechi màlà sàlà yattai nokon àli ton kappon yamùk winàkàik,” teppù Jesus uya.

Matthew 17:20

“Ailon tetok auya'nokon ma'le iwechi pàk. Ailon kulu sàlà, ailon tetok yesappe ewechi kon mustard yenappà kasa là yau, sà wùk pàk, ‘Sàlà motapai itàkà motak,’ te auya'nokon, molopai iità. Yà'làlà kupù auya' nokon!

Matthew 17:21

[Tùse tùuta'lettàik pùla wàpùlemantok neken màlà pùsàlà yekkwa yenpakkanài. Yà'làlà uya ikupù yentai iwechi màlà.]” tukaik Jesus uya tok yeikuppù.

Mark 9:28

Molopai Jesus wewonsak tapùi tak yau, inenupa ton uya yekamappoppù tewincha iwechi yau, “Yà'là pe iwechi pàk ina uya àli yakkwalù yenpakka pùla iwechi màlà?” tukaik.

Mark 9:30

Màlà pata nàmàppù Jesus molopai inenupa ton uya molopai tok utàppù Galilee yawàlà. Ànù'là uya yà'là yailà tùwechi ittu iche pùla Jesus wechippù màlà,

Luke 11:26

Iità tu'ma màlà molopai 7 pan kon àli akkwalù yamùk nepù ya ta'là, àli ton kulu nen uchi tentaino kon. Tok uyàpù màlà molo emasse. Wa iwessak yau kappon wechi màlà àli pe kulu nen uchi, wapiya tùwechippù yentai,” teppù Jesus uya.

Yeunossak kon Wotokoyi 14:23

Molo sochi yamùk tawon kon kùlottapai tok uya sochi yennàinan woton kon yanùmùppù tewinpàk. Wàpùlemantok tùuta'lettàik pùla yai tok uya tok tùlùppù Itepulu yemyak ailon tetok tùuya'nokon ipàk yemyak.

1 Corinthians 9:27

Uyo'no uyesak ànkuppaino Iulà molopai uyapyoto pe iwettoppe, tùulon kon pàk Itekale yekama tùpo inulunpasappe wechi uyepeppù winàpai tukaik.

2 Corinthians 11:27

We'wotokomassak màlà sa'man pe molopai usetakkasak. We'nùmù pùla wechippù echipalà. Wapàkkassak wechippù màlà molopai we'naklipasak. Iteipa pùla wessak màlà echipalà, ikope molopai ipon pùla wechippù.

2 Corinthians 12:8

Àsolùwau itekkwa Itepulu pawanattàppù uya imokka toppe ya uwinàpai.

2 Corinthians 6:5

Ippopà'nàtok yau, patikichi tau we'nàtok yau, molopai kappon yamùk we'naikasak yenpatau, sa'man wotoko yau, we'nùnnà pùla we'nàtok yau molopai wapàkka'nàtok yau.

Ephesians 6:18

Àwàpùlema kon yau sàlà yamùk ikuttàk kon tamù'nawàlà Katù uya, pùikattàntok yennai'ma. Tàwàlàlà àpùlematàk kon Wakù Akkwalù meluntàlù yau. Màlàpàk tùwekonekaik ettàk kon. Ke'nonkatàu, màpùlematàik tamù'nawolon kon Katù ponalok kon kappon yamùk pona.

James 5:15

Sàlà wàpùlemantok ailon tetok yau ikussak uya, e'nek kappon pùikattà màlà: Itepulu uya iwuluuka màlà molopai e'neppe pùla iwechi, molopai iwemakuimasak yau, usentupantok yepolo ya màlà.