Mark 9:25 - Patamuna New Testament Revised

²⁵ Tukke kappon yamùk uyàpù yene tùuya yau, Jesus uya àsà pe àli akkwalù pàk, “Àmàlà tùuselupasen pen molopai panattàppan akkwalù, àpàk wa ukayaik. Epakkakà mùkkàlà yapai, molopai kewontukkai walawok yak,” teppù.

Mark 9:25 ပူးပေါင်းရင်းမြစ်များ

Matthew 12:22

Màlàyau kappon yamùk uya kàyik nepùppù Jesus piyak. Enpùla iwechippù molopai ichelupa pùla, masapùla àli akkwalù wechippù yau. Jesus uya kàyik ipittàppù màlà, ichelupatoppe molopai pata yentoppe ya.

Matthew 17:18

Jesus uya meluntà pe àli akkwalù pàk, “Epakkakà!” teppù, molopai iwepakkappù. Màlàyau màlà yattai kulu walawok uchipittàppù.

Mark 9:15

Màlà yattai Jesus yensak tùuya'nokon yau tok utapulàppù kulu, molopai tok utàppù aitun pe “Màichan na',” tei'ma.

Mark 9:24

Màlà yattai walawok kàippùnù wentaimeppù, “Ailon ukayaik là. Kùpùikattàkà tàwà, ailon te toppe uya i'napailàiwa,” tukaik.

Mark 9:26

Àli akkwalù wentaimeppù. Màlà tùpo walawok sa'mantanùpùppù ya molopai iwepakkappù. Màlàyau walawok wechippù iwelichak kasa. “Iwelichak man,” teppù tamù'nawolon kon uya.

Luke 11:14

Jesus uya tùuselupassen pen àli akkwalù yenpakkappù màlà. Iwepakkasak yau, kàyik wessa'molùkappù tùuselupa pàk. Tukkan kon kappon yamùk usenumenkasak wechippù.

Luke 4:35

Jesus uya meluntà pe akkwalù pàk, “Eppana ekkà, molopai epakkakà kàyik yapai!” teppù. Àli akkwalù uya kàyik yenu'mappù tok yemloto po, molopai iwepakkappù yapai tùmattanùsse pùla.

Luke 4:41

Àli ton akkwalù nàlà wepakkappù tukkan kon kappon yamùk yapai, tùwentaimeipàtùi’ma' nokon, “Katù Mumu, Àmàlà!” tukaik. Jesus uya tok yàulàmappù molopai tok uselupa toppe ikupùppù ya pen, masapùla tok uya enupanài Christ pe tùwechi ittu pàk.

Luke 8:29

Sàlà kasa teppù ya màlà masapùla Jesus uya àli akkwalù wepakka toppe tapai yapyontàsak pàk. Tukke itekkwa màlà yepopàtùppù ya, yachisak pe lànen tùse, itemyatù molopai itta tawon yaulonpàssak chin ke tùse yattàpàtùppù ya, molopai àli akkwalù uya teka'nonkaik yalàppù tùkkenan pata yak.

Luke 9:42

Walawok muleppù uyàpù tùse, àli akkwalù uya ikawai'mappù non pona, iicha'mantappù. Tùse Jesus uya àli akkwalù yapyontàppù iwepakka toppe. Walawok muleppù ipittàppù ya molopai innapoppù ya nen uchi ikàipùnù yemyak.

Yeunossak kon Wotokoyi 16:18

Sàlà kupùppù ya màlà tukke wei Paul usetakka ponalà. Màlàyau iwelattàppù molopai àli akkwalù pàk, “Jesus Christ yesek yau epakkakà pùsàlà yapai te uya sàlà!” teppù ya. Màlà yattai là àli akkwalù wepakkappù yapai.

Jude 1:9

Inchelù yamùk yepulu, Michael uya sàlà kussak pùla iwechi màlà. Tepùlù pokonpe tùusàulàma kon pe tùuselupa kon Moses yàkàpù pàk yau, Michael usenalippappù màlà. Tepùlù mottùnpappù ya pen, tùse, “Itepulu uya àyàulàma màlà,” teppù ya.