Mark 9:23 - Patamuna New Testament Revised

²³ “Ikupù auya yau, tamù'nawolon wekkupù mà màlà tà, ailon tawon ponaloppe,” teppù Jesus uya.

Mark 9:23 ပူးပေါင်းရင်းမြစ်များ

Matthew 14:29

“Àikkàichi!” tukaik Jesus uya yeikuppù. Peter uttàppù màlà kanau yapai tuna pona, molopai iitàppù tuna polo Jesus piyak.

Matthew 17:20

“Ailon tetok auya'nokon ma'le iwechi pàk. Ailon kulu sàlà, ailon tetok yesappe ewechi kon mustard yenappà kasa là yau, sà wùk pàk, ‘Sàlà motapai itàkà motak,’ te auya'nokon, molopai iità. Yà'làlà kupù auya' nokon!

Mark 11:23

“Ailon kulu sàlà, ànù'là sà wùk pàk, ‘Atamakà molopai tuna kak epukakà,’ tawon, kasei tetok tùuya pùla tewan yau tùwenaik, tùse ailon tukaik neken, wa te tùuya pàk ponaloppe iwekkupù màlà.

Mark 9:22

“Tukke itekkwa yenu'mapàssak ya màlà apok yak molopai tuna kak, imatanùpùiche. Ina pàk tàwà esentuppakà molopai ina ipùikattàkà ikuttok auya wechi molo yau,” teppù walawok kàipùnù uya.

Mark 9:24

Màlà yattai walawok kàippùnù wentaimeppù, “Ailon ukayaik là. Kùpùikattàkà tàwà, ailon te toppe uya i'napailàiwa,” tukaik.

Luke 17:6

Itepulu uya yeikuppù, “Ailon tetok auya'nokon wechi mustard yenappà kaichalà yau, sàlà kùyali yek pàk, ‘Ekalakakà, akala pokonpe molopai àppànkà palau kak!’ te auya'nokon sàlà eppaino molopai amaimu kon yawàlà iwechi,” tukaik yeikuppù ya.

John 11:40

Jesus uya Martha pàk, “Àpàk uchi yekama uya pùn, ailon te auya yau Katù yapulàtok yene auya màlà te uya pùn na?” teppù.

Yeunossak kon Wotokoyi 14:9

Molo Paul uselupa yeta pàk iwechippù. Paul uya tùuchipittà pàk ailon te ya yeneppù, màlàpàk itenupàkà iwechippù.

Hebrews 11:6

Ànù'là uya Katù yauchinpa ailon tetok pùla echii'ma pùla iwechi màlà. Masapùla ànù'là Katù piyak tùuyàssen wechi màlà ailon tawon pe molo iwechi pàk, molopai mùkyamlo tùwannnan ye'manài pe iwechi pàk.