Mark 9:14 - Patamuna New Testament Revised

¹⁴ Ta'lon kon piyak tùwelepansak kon yau, tukkan kon kappon yamùk wechi tok woi yeneppù tok uya. Molopai Law pàk enupan nan usàulàma tok pàk.

Mark 9:14 ပူးပေါင်းရင်းမြစ်များ

Mark 11:28

Tok uya yekamappo, “Ànùk yapàikketù winà ken uchi sàlà yamùk kupù auya màlà, wapùla ànùk apàikek ke elepatai sàlà yamùk kupù pa?” tukaik.

Mark 12:14

Tok uyàpùppù ipyak molopai yekamappoppù tok uya. “Enupanài, ailon pe tùuselupassen pe ewechi ittuyan ina. Yà'là tukaik sa' kappon yamùk nùsenumenkayan ko tukaik là tùutaimelunpasen pen àmàlà. Masapùla ànùk pe là kappon wechi ittuiche tùwessen pen, tùse ailon pàk enupanài àmàlà Katù yeselu kappon ponalok pàk. Ina pàk tàwà yekamakà. Ikasa pùla na' iwechi pùlayatta ye'ma Rome pon pata yesak yemyak? Ina uya ken na' ye'ma, wapùla kane?” tukaik.

Mark 2:6

Tùse molo tok wechippù màlà Law pàk enupannan chichiu pe tùusenumenka kon pàk tewan kon yau.

Mark 9:13

“Yekama uya sàlà àpàkù'nokon, Elijah uyàkkassak nen màlà, molopai yà'làlà iche tùwettok kon kussak tok uya man iwinàkàik Katù Maimu yau iwe'menukasak ipàk kasa,” teppù Jesus uya tok pàk.

Yeunossak kon Wotokoyi 19:8

Paul utàppù màlà Jew yamùk wepilittok itak tak, molopai àsolùwau kapùi kaichalà ichelupappù kappon yamùk pokonpe, tùwettalipaik pùla meluntà pe, molopai Katù wettok itepulu pe yekamappù ya tok pàk. Ailon tetoppe tok uya.

Hebrews 12:3

Masa esenumenkatàk kon ipàk, yà'là kasa là tewanma'làtok imakuyippù ton kappon yamùk uya pàlikappù ya! Màlàpàk uchi attu'mùla kenatàu molopai ke'nonkatàu.