Mark 8:34 - Patamuna New Testament Revised

³⁴ Jesus uya kappon yamùk kà'mappù tùnenupa ton pokonpe tùpyak. “Ànù'là uya'là àippaino wechi yau tàwà ne'nonkai sàlà wolù yau tùwemattok winàpai, tàwà tùwettalumattàtok yanùmài molopai nùyàpùi uya'là,” teppù ya tok pàk.

Mark 8:34 ပူးပေါင်းရင်းမြစ်များ

Matthew 10:38

Ànù'là tùnalà pulusuk yanùnnài pen molopai uye'mappù tawà tùutàsen pen mùkkàlà uponalok pen.

Matthew 16:24

Màlàyau Jesus uya ta'lon kon pàk, “Ànù'là wechi uya'là àippai yau, tàwà ne'nonkai, molopai pulusuk tùnalà pe nai'nùk pulusuk yanùmùi, molopai tàwà uya'là nùyàpùi.

Matthew 27:32

Tùutà kon yau, Cyrene pon kàyik Simon itesek yepoloppù tok uya, molopai soicha yamùk uya yeka'nonkappù màlà Jesus nalà pulusuk yatoppe ya.

Mark 10:21

Jesus uya tù'nùn pe yeneppù, molopai ipàk, “Tewin neken nà ànkupù molo man. Itàkà apyau nai'nùk ichilanmata molopai yà'là pùnon yemyak pùlayatta tùlù pa. Màlàyau temamin ke ewechi màlà epùn po. Molopai àikkà uya'là,” teppù.

Mark 7:14

Kappon yamùk kà'matukkappù Jesus uya tùpyak molopai tok pàk. “Eyelupa kon uya yetatàk kon molopai tekamayai'nàk mùttutàik,” teppù ya.

Luke 13:24

“Wakù pe ànùttu kon ikuttàk kon ettakkù manatta yai ewewomù kon pa. Masapùla tukkan kon kappon yamùk wechi màlà tùwewomùiche' nokon tùse tok wewomù pen màlà, ukayaik àpàkù'nokon.”

Luke 14:33

Màlà kasa làma ànù'là tamù'nawolon itesak pe tùwettok nonkasak ya pùla nai'nùk wechi unenupa pe pen màlà,” teppù Jesus uya.

Luke 18:22

Sàlà yetasak tùuya yau, Jesus uya ipàk wateppù, “Tewinan nùppù là ànkupù molo man. Tamù'nawàlà itesak pe ewettok ichilanmakà molopai pùlayatta itùkà entuppa'nokon yemyak, molopai mamin yesappe ewechi màlà Epùn po. Molopai àikkà uya'là,” teppù ya.

Luke 20:45

Tamù'nawàlà tukkan kon kappon yamùk uya teta tùse, Jesus uya ta'lon kon pàk wateppù.

Luke 9:23

Màlàyau tamù'nawolon kon pàk, “Ànù’là wechi uya'là àippai yau tàwà tùwettalumattàtok yanùmùi, molopai uya'là nùyàpùi.

John 10:27

Uyùkùnnon mùkyamlo umaimu yetannan, tok tùttuyaik. Molopai uwenaimannan mùkyamlo.

John 19:17

Jesus utàppù tùpulusukù yalàppù ya tùyiwalà, Puppà Yàppù lùppù Patassek yak. (Hebrew maimu yau “Golgotha” itesek.)

Yeunossak kon Wotokoyi 14:22

Tok uya ailon tawonnan Jesus pàk meluntàpappù miyaiwa tok wettoppe ailon tetok tùuya'nokon pàk. “Utànnù'nokon màlà tukke wettalumattàntok yawàlà Katù wettok itepulu pe yak wewonàtok kon pe,” .

Romans 6:6

Masapùla sàlà ittu'nokon man, penalok àli ton kùyeselu kon tùlùppù inmattatoppe Christ pokonpe pulusuk po, àli eselu wannà meluntàlùkkatoppe, makui yapyoto pe we'nà'nokon tukaik.

Romans 8:17

Imunkà yamùk pe we'nà'nokon pàk, wakù inkupù tùponalok kon ponaloppe yesappe we'nà'nokon màlà Christ, imu, pokonpe. Masapùla Christ wettalumattàppù kasa wettalumattàn pàk alikyeppe we'nà'nokon yau, namantok nàlà yepolo màlà ipokonpe.

1 Corinthians 15:31

Utonpa yamùk, ailon pe weli'nàtok yemloto pon Iulà wei kaichalà! Utapulàtok àpàkànsau'nokon wema'nàtok Christ Jesus Kùyepulu kon yau ukussan.

1 Corinthians 8:13

Màlàpàk, unanù uya utonpa wemakuimatoppe ikussak yau, kamo pun yantukka uya pen màlà iwemakuima tukaik.

1 Corinthians 9:19

Ànù'là yapyoto pen Iulà, tùse tamù'nawolon kon yapyoto pe wekkupù sàlà tukkeiwa kappon yamùk nettoppe uya Christ piyak.

Galatians 2:20

Upukapàtùppù màlà Christ pokonpe nulà wechi tukaik, tùse Christ nemassan uyau. Sàlà esak yau wema'nàtok yau wemassaik ailon tetok uya Katù Mumu pàk yau, mùkkàlà u'nùnmanàippù molopai iwettùsak lùppù uponaloppe.

Galatians 5:24

Molopai mùkyamlo Christ Jesus ponalok kon uya tamù'nawolon àli ànkuppai tùwettok kon pukapàssak màlà pulusuk pona iteselu yamùk pokonpe.

Galatians 6:14

Tùse Iulà, utauchinpa nen màlà Kùyepulu kon Jesus Christ welichak pulusuk pona pàk neken, màlà winà wolù iwelichak kasa man upona molopai Iulà iwelichak kasa man wolù pona.

Philippians 3:10

Christ neken ànùttupai wessaik molopai iwe'wuluukatok meluntàlù. Iwettalumattàppù pùkkù pe eppai wessaik molopai ikasa enapai iwelittok yau.

Philippians 3:7

Tùse tamù'nawàlà màlà yamùk unepoloppù kasa unkupù tùkussaik yenu'masak kasa sàlà pe Christ pàkànsau.

Colossians 1:24

Molopai sàlà pe utauchinpayaik wettalumattàsak àpàkànsau'nokon pàk. Sàlà yamùk wettalumattàtok yanùmù uya nai'nùk uyesak yau, Christ wettalumattà yenuka'nùpù pe sochi ponaloppe. Sochi mùkyamlo Christ pùkkù.

Colossians 3:5

Màlà yamùk àli ànkuppai we'nàtok ne'wotokomayai'nùk ayau'nokon inonkatàk kon. Àli imakuyippù kuttok esak ke, esuken pùla we'nàtok, ipàlika yentai àli ànkupai we'nàtok màlàwannà ke, tùuseka'nonkaik we'nàtok inonkatàk. (Masapùla tùuseka'nonkaik we'nàtok màlà tùulon katù yemlotopo wepeiman walai).

2 Thessalonians 3:11

Ina uya sàlà wate, masapùla, tùulon kon kappon yamùk emya'neppe tùwemassan wechi àkklottau'nokon yeta tùuya'nokon pàk, mùkyamlo yà'làlà ku'nài nan pen iwotokoyi pùn walai non tùse tùulon kon yeselu yennài nan, tok pantomù pàk tùuselupasan yauchin pe.

Titus 2:12

Màlà wakù pe we'nàtok màlà enupanài àli pe Katù winàkàik wema'nàtok nonkatoppe, molopai wolù yeselu ànkuppai we'nàtok nonkatoppe, molopai tùttuik tùwemassen pe, ikasa, wakù pe wema'nàtok Katù tùnamaik molopai tapulàik iwemattok pe sàlà non po,

Hebrews 13:13

Màlàpàk uchi ipyak utànpai'nokon pata yena pona inpàlikappù wekkuli'mantok pàlikase.

1 Peter 4:1

Christ wettalumattàppù màlà talà non po màlàpàk uchi iwettalumattàppù kasa ewettalumattà kon pa ekonekatàk, tùwettalumattàtok pàlikasak ya àponalok kon pe pàk, masapùla ànù'là tùtalumattàtok yanùnnài weleutasak màlà àli kupù tùuya winàpai.

1 Peter 4:13

Tùse làkku atauchinpatàk kon masapùla Christ wettalumattàppù kasa ewettalumattà kon pàk, autauchinpa kon pa eke pe kulu itakkwayi usenpoikasak yau.

2 Peter 1:14

Tùttuyaik tachin pe tùpo pùla sàlà tùukàtasen esak nonka uya miya Kùyepulu kon Jesus Christ uya yekamappù upàk kasa.

1 John 3:16

Sàlà kasaichi màlà uchi'nùnmantok ittu: Christ uya tùwemattok tùlùppù kùponalok kon pe. Màlà kasa nàlà wema'nàtokù'nokon tùlù màlà tonpa wannà yamùk ponaloppe!

Revelation 2:10

“Yà'làlà ewettalumattàtok ike woton pàk kesenalippai! Masa yetakà! Makui uya eyittu màlà àtonpa yamùk tùlù tùuya patikichi tak winà 10 pe wei màlà ewettalumattà. Ailon pe mechiik, ewelikù ponalà, molopai wema'nàtok yalùko ke elepa uya màlà.