Mark 8:22 - Patamuna New Testament Revised

²² Bethsaida pona tok uyàpùppù. Molo kappon yamùk uya enpùn kàyik nepùppù Jesus piyak. “Yapàkà neken nà tàwà,” teppù tok uya Jesus pàk.

Mark 8:22 ပူးပေါင်းရင်းမြစ်များ

Matthew 11:21

“Àsà pe iwechi màlà àpona, Korazin pon kon! Àsà pe nàlà iwechi màlà àpona, Bethsaida pon kon! Masapùla tensan pen kussak Tyre pon kon molopai Sidon pon kon ponaloppe ayau'nokon iwekussak lùppù wekkussak yau, pena nen sàlà àlichi wonpù yak tok wepontàppù eppaino, molopai ulumlàppà sululukkappù tok uya eppaino tùpona'nokon tùmakuyi kon winàpai tùwelattàsak kon yekama pe!

Matthew 14:36

Ipawanattàppù tok uya e'netton uya neken nà ipon yepi yappàttoppe. Molopai tamù'nawolon kon ipon yepi yappà'nàinannùssan uchipittàppù.

Matthew 8:15

Jesus uya itemyatù yappàtùppù màlà, màlàyau iwàkkàmi'makapùppù. Molopai iwe'wuluukappù, tok yeipa konekappù ya.

Matthew 8:3

Jesus uya temyatù yenkappù iwinàkàik molopai yappàtùppù ya. “Eyipittàpai wessaik. Wakù peichi enakà,” tukaik yeikuppù ya. Tewinanpa màlà yattai àsà ipippà wenappù wakù pe.

Matthew 9:29

Màlàyau Jesus uya tok yenu yappàtùppù molopai tok pàk, “Tàwàichi nekkupùi ailon teppù auya'nokon kasa!” teppù.

Mark 2:3

Asakùlà'nan kon kappon yamùk uya e'nek iitokkassak nepùppù Jesus piyak.

Mark 3:10

Tukkan kon kappon yamùk ipittàppù ya màlà yatai. Màlàpàk tok uselemlukuppù ipyak anappàppai tùwechi kon pàk.

Mark 6:45

Tewinanpa, Jesus uya tùnenupa ton yeunokoppù kanau yau tùwapiya Bethsaida pona, palau latoi pona, ilinà kappon yamùk utàpàttoppe yekamai'ma.

Luke 10:13

“Àsà pe nen mà iwechi kupù màlà àpona'nokon tà Korazin pon kon! Àsà pe nàlà mà iwechi kupù màlà àpona'nokon tà Bethsaida pon kon! Masapùla eke ton wotoko yamùk ikussak lùppù àklottau'nokon wekkussak Tyre molopai Sidon po yau, pena kappon yamùk weleutappù sàlà eppaino. Molopai àlichi wonpù yak tok wepontàppù eppaino, molopai ulumlàppà sululukkappù tok uya eppaino tùpona'nokon àli pe tùwettok kon winàpai tùwelattàsak kon yekama pe.

Luke 9:10

Yeunossak kon wennapoppù màlà molopai tamù'nawolon tùnkupùppù kon yekamappù tok uya Jesus pàk. Tok yalàppù ya ta'là molopai tok utàppù tùyiwalà'nokon pata Bethsaida pona.

John 1:44

(Philip wechippù màlà Bethsaida poino pe, Andrew molopai Peter tawonnan pata yapaino pe.)

John 12:21

Tok uyàpùppù Philip piyak, Galilee yawon Bethsaida pon piyak, “Jesus enenpai ina man yakko,” teppù tok uya ipàk.