Mark 7:37 - Patamuna New Testament Revised

³⁷ Tamù'nawàlà yetannùssan usenumenkasak kulu wechippù, “Wakù pe là tamù'nawolon kuppàssan. Panattàppan pana utakkokatoppe là iku'nài pe man molopai tùuselupasen pen nà uselupatoppe,” tukaik.

Mark 7:37 ပူးပေါင်းရင်းမြစ်များ

Matthew 9:32

Tok utà tùse tùulon kon kappon yamùk uya kàyik nepùppù màlà Jesus piyak. Tùuselupasen pen, masapùla àli akkwalù wechi yau pàk.

Mark 1:27

Tukkan kon usenumenkappù kulu màlà ipàk. Tok usekamappopàtùppù tùyiwalà'nokon, “Yà'là ken uchi sàlà, tùulon nà emennak enupantok? Pùsàlà kàyik tapùikettù ke man àli akkwalù yamùk yapyontàtok yesappe molopai tok wechi imaimu yawàlà” teppù tok uya.

Mark 2:12

Màlà yattai là iwe'wuluukappù, tekkwek yanùmùppù ya, molopai iitàppù tok wapiya. Tok usenumenkappù kulu. Katù yapulàppù tok uya, “Sàlà yekwalà yensak pùla man wapiya,” tukaik.

Mark 4:41

Tùse tok wettalipappù kulu màlà, “Ànù'là ken uchi pùsàlà kàyik? Assetun nàichi palau là wettok imaimu yawàlà!” teppù tok uya tùyiwalà'nokon.

Mark 5:42

Màlà yattai là asse'ne kulu ulichan muleppù we'wuluukappù molopai ichalàppù. (12 pe ikilichimochiyi màlà ulichan wechippù.) Sàlà wekkusak yau tok usenumenkappù.

Mark 6:51

Tok piyak iwenukuppù kanau yak molopai assetun wàttù'nàppù màlà. Inenupa ton usenumenkappù kulu màlà, ichelupa pùla tùwenaik.

Mark 7:36

Jesus uya, “Sàlà tùkuppàssai'nàk kùsekamatàu kulu, ” teppù kappon yamùk pàk. Tùse tok uya yekamappù màlà màttawàlà.

Mark 8:1

Màlà yattai ilinà kappon yamùk wepilittukkappù màlà, tùse tok yeipa woton pùla iwechi yau, tùnenupa ton kà'mappù Jesus uya tùpyak, molopai tok pàk,

Luke 23:41

Kùtalumattà nen sàlà ikasa, kùnkupùppù yepeppù yepolo nen sàlà nai'nùk. Tùse mùkkàlà uya yà'làlà iwalai pen nà kussak pùla man,” tukaik.

Yeunossak kon Wotokoyi 14:11

Paul nùkupùppù yensak tùuya'nokon yau tukkan kon kappon yamùk wepyattàppù tùwentaimepàtù kon pàk tùmaimu kon Lycaonian maimu yau, “Katù yamùk wenasak man kàyik yamùk kasa, molopai tok uttàsak man kùpyakù'nokon!” tukaik.